သည်းခံမနေနဲ့တော့!! 🚽 အိမ်သာပိတ်တာနဲ့ အနံ့ဆိုးတာတွေ ဖြေရှင်းနည်း!
အိမ်သာမပိတ်အောင် ကာကွယ်ပြီး သန့်ရှင်းမွှေးပျံ့အောင် ထားနိုင်မယ့် နည်းလမ်းတွေကို မျှဝေပေးလိုက်ပါတယ်။
ဒီနည်းလမ်းဟာ အိမ်သာပိတ်ဆို့မှု၊ အနံ့ဆိုးများ၊ ရေညှိနဲ့အဝါရောင်အစွန်းအထင်းများ၊ ခြနဲ့ပိုးမွှားများ၊ ပုရွက်ဆိတ်နဲ့ အင်းဆက်များ၊ ပိုးဟပ်များ၊ အိမ်မြှောင်နဲ့ တောက်တဲ့များ စတာတွေကို ကာကွယ်ပေးနိုင်ပါတယ်။
လိုအပ်တဲ့ပစ္စည်းများ........
* ပန်းကန်ဆေးဆပ်ပြာရည် - စားပွဲတင်ဇွန်း ၁ ဇွန်း
* မုန့်ဖုတ်ဆိုဒါ (သို့) အဝတ်လျှော်ဆပ်ပြာမှုန့် -
စားပွဲတင်ဇွန်း ၂ ဇွန်း
* ရှာလကာရည် - စားပွဲတင်ဇွန်း ၂ ဇွန်း
* ဆား - စားပွဲတင်ဇွန်း ၁ ဇွန်း
* သန့်ရှင်းတဲ့ရေ - လောင်းချဖို့
✅ အိမ်သာပိတ်ဆို့ခြင်းနဲ့ အနံ့ဆိုးများ ကာကွယ်နည်း....
အိမ်သာတက်ပြီးတဲ့အခါ (သို့) အိမ်သာက အနံ့ဆိုးထွက်နေတဲ့အခါ ဒီနည်းလမ်းအတိုင်း ချက်ချင်းလုပ်ဆောင်နိုင်ပါတယ်။
* ပန်းကန်ဆေးဆပ်ပြာရည် (စားပွဲတင်ဇွန်း ၁ ဇွန်း) ကို
အိမ်သာခွက်ထဲအရင်ထည့်ပါ။
* အဝတ်လျှော်ဆပ်ပြာမှုန့် (သို့) မုန့်ဖုတ်ဆိုဒါ
(စားပွဲတင်ဇွန်း ၂ ဇွန်း) ထည့်ပါ။
* ရှာလကာရည် (စားပွဲတင်ဇွန်း ၂ ဇွန်း) နဲ့ ဆား
(စားပွဲတင်ဇွန်း ၁ ဇွန်း) တို့ကို ဆက်တိုက်ထည့်ပါ။
ဒါဆိုရင် အိမ်သာပိတ်ဆို့ခြင်းကို ဖြေရှင်းပေးနိုင်တဲ့
အစွမ်းထက်အရည်ကို ရရှိပါပြီ။
* အဲဒီအရည်ကို အိမ်သာခွက်ထဲ လောင်းထည့်ပြီး ၂-၃ မိနစ်
လောက် ထားပေးပါ။ ညဘက်မှာ တစ်ညလုံးထားရင်တော့
ပိုကောင်းပါတယ်။
* မနက်ကျရင် သန့်ရှင်းတဲ့ရေနဲ့ ဆက်လောင်းချလိုက်ပါ။
(သို့) ရေဆွဲချလိုက်ပါ။
ဒီနည်းလမ်းက အိမ်သာအနံ့ဆိုးတွေကို ဖယ်ရှားပေးပြီး ပိတ်ဆို့တာကို ကောင်းစွာကာကွယ်ပေးနိုင်ပါတယ်။ အဝါရောင်အစွန်းအထင်းတွေရှိတဲ့နေရာမှာတော့ စပရေးဗူးထဲထည့်ပြီး ပက်ဖျန်းနိုင်ပါတယ်။ အဝါရောင်အစွန်းအထင်းတွေကို သက်သာစေပါတယ်။
✅ အိမ်သာကြမ်းပြင်နဲ့ အခြားအစွန်းအထင်းများအတွက်..
အိမ်သာကြမ်းပြင် သန့်ရှင်းရေးအတွက် ရေတစ်ခွက် (သို့) နှစ်ခွက်နဲ့ ဒီအရောအနှောကို ရောပြီး တွဲဖက်တိုက်ချွတ်နိုင်ပါတယ်။ အိမ်သာကြမ်းပြင်နဲ့ အိမ်သာခွက်ကို အနံ့ဆိုးကင်းစင်အောင် သန့်ရှင်းပေးနိုင်ပါတယ်။
ဒီနည်းလမ်းက စရိတ်သက်သာပြီး ထိရောက်မှုရှိပါတယ်။ အိမ်သာပိတ်ဆို့ခြင်းကို ကာကွယ်ပေးသလို ပိုးမွှားတွေ၊ ခြင်တွေ၊ ပုရွက်ဆိတ်တွေ၊ ပိုးဟပ်တွေ၊ အိမ်မြှောင်နဲ့ တောက်တဲ့တွေကိုလည်း မောင်းထုတ်ပေးနိုင်ပါတယ်။
အိမ်သာပိတ်ဆို့ပြီး အနံ့ဆိုးတွေထွက်နေရင် စမ်းကြည့်သင့်ပါတယ်။ ဒါက ကောင်းမွန်တဲ့ ဖြေရှင်းနည်းတစ်ခုပါ။
