ဝိုး! မယုံနိုင်စရာပဲ! တစ်သက်လုံးနေလာတာ အခုမှသိတယ် 😮
ရှာလကာရည်တစ်ပုလင်းရဲ့အကျိုးကျေးဇူးတွေ......
တစ်အိမ်လုံးသန့်ရှင်းရေးလုပ်တာကစလို့ အပင်တွေပြုစုတာအထိ၊ ပိုးမွှားနှိမ်နင်းတာကစလို့ အစားအစာတွေပြင်ဆင်တဲ့အထိ ရှလကာရည်တစ်ပုလင်းတည်းနဲ့ အရာရာကို လုပ်လို့ရပါတယ်။ အိမ်ရှင်မတွေအတွက် တကယ်ကို အသုံးဝင်တဲ့ လျှို့ဝှက်ချက်လေးတွေကို ဝေမျှပေးလိုက်ပါတယ်နော်။
၁။ အဝတ်အထည်များ သန့်ရှင်းရေး
အကျိုးကျေးဇူး......
အဝတ်အစားတွေက အနံ့အသက်ဆိုးတွေ ပျောက်ပြီး သင်းပျံ့တဲ့ရနံ့လေးတွေ အကြာကြီး ကျန်နေစေပါတယ်။
ပြုလုပ်ပုံ.....
အဝတ်လျှော်တဲ့အခါ ဆပ်ပြာမှုန့်နဲ့အတူ ရှလကာရည် စားပွဲတင်ဇွန်း ၁-၂ ဇွန်း ရောထည့်ပါ။ ဒါဆို အဝတ်တွေက အနံ့ဆိုးတွေ ကင်းပြီး အနံ့လေးတွေက နှစ်ပတ်လောက်အထိ စွဲမြဲနေပါလိမ့်မယ်။
၂။ ပိုးမွှားနဲ့ အင်းဆက်ပိုးများ နှိမ်နင်းခြင်း
အကျိုးကျေးဇူး....
ပုရွက်ဆိတ်၊ ခြ၊ ခြင်၊ ယင်၊ ကြွက်၊ ပိုးဟပ် စတဲ့ အင်းဆက်ပိုးတွေနဲ့ တိရစ္ဆာန်တွေကို အိမ်နား မလာအောင် မောင်းထုတ်ပေးပါတယ်။
ပြုလုပ်ပုံ.....
ဒီလိုအကောင်တွေ ဝင်ထွက်သွားလာတတ်တဲ့နေရာတွေမှာ ရှလကာရည်နဲ့ လိုက်သုတ်ပေးပါ။ ဒါမှမဟုတ် ပက်ဖျန်းပေးတာမျိုးလည်း လုပ်နိုင်ပါတယ်။
၃။ စိုက်ပျိုးရေးအတွက် အသုံးဝင်ခြင်း
အကျိုးကျေးဇူး......
ပိုးမွှားတွေကို နှိမ်နင်းပေးပြီး အပင်တွေကို ပိုမိုကြီးထွားလာအောင် ကူညီပေးပါတယ်။
ပြုလုပ်ပုံ......
ရှာလကာရည်နဲ့ အရက်ဖြူကို စားပွဲတင်ဇွန်း ၂ ဇွန်းစီယူပြီး ရေလီတာ ၂၀ နဲ့ ရောပါ။ အဲဒီအရည်ကို အပင်ရဲ့အရွက်တွေပေါ်မှာ ပက်ဖျန်းပေးပါ။ ပိုးမွှားတွေ မရှိတော့တဲ့အထိ ပုံမှန် ပက်ဖျန်းပေးနိုင်ပါတယ်။
၄။ ထမင်းအိုးထဲ ထည့်ချက်ခြင်း
အကျိုးကျေးဇူး.....
ထမင်းကို ပိုမိုနူးညံ့ပြီး မချဉ်သွားအောင် ထိန်းထားနိုင်ပါတယ်။
ပြုလုပ်ပုံ......
ဆန်ကိုရေဆေးပြီး ရေထည့်ပြီးတဲ့အခါ ရှလကာရည် လက်ဖက်ရည်ဇွန်း ၁ ဇွန်းကို ထည့်ပြီး ထမင်းချက်ပေးပါ။ ဒါဆို ထမင်းက ပိုပြီးနူးညံ့လာမယ်၊ အနံ့မွှေးလာပြီး အလွယ်တကူ မချဉ်သွားပါဘူး။
၅။ အဖြူရောင်အဝတ်များမှ အဝါကွက်များ ဖယ်ရှားခြင်း
အကျိုးကျေးဇူး.....
အင်္ကျီတွေမှာရှိတဲ့ လည်ပင်းနဲ့ လက်မောင်းအောက်နေရာတွေက အဝါကွက်တွေကို ဖျော့သွားအောင် ဖယ်ရှားပေးပါတယ်။
ပြုလုပ်ပုံ......
အင်္ကျီပေါ်မှာရှိတဲ့ အဝါကွက်တွေပေါ်ကို ရှလကာရည် သီးသန့်လောင်းချပြီး မိနစ် ၃၀ လောက် စိမ်ထားပါ။ ပြီးရင် ပုံမှန်အတိုင်း ပြန်လျှော်ပေးပါ။
၆။ ကြမ်းပြင်နဲ့ ပြတင်းပေါက်များ သန့်ရှင်းရေး
အကျိုးကျေးဇူး.......
အိမ်ကြမ်းပြင်၊ မှန်တွေနဲ့ ပြတင်းပေါက်တွေကို အရောင်တောက်ပြောင်ပြီး သန့်ရှင်းနေအောင် လုပ်ပေးပါတယ်။
ပြုလုပ်ပုံ.....
ရှာလကာရည်ကို ပန်းကန်ဆေးဆပ်ပြာနဲ့ ၁:၁ အချိုး ရောပြီး မှန်တွေကို မိနစ် ၁၀-၁၅ မိနစ်လောက် လိုက်သုတ်ပေးပါ။ ပြီးရင် ရေနဲ့ ပြန်ဆေးချလိုက်ပါ။ ဒါဆို မှန်တွေက အသစ်လို ပြန်လည် တောက်ပြောင်လာပါလိမ့်မယ်။
၇။ အိမ်သန့်ရှင်းရေးနှင့် ကြမ်းပြင်တိုက်ခြင်း
အကျိုးကျေးဇူး......
ကြမ်းပြင်တွေပေါ်က အစွန်းအထင်းတွေနဲ့ အနံ့အသက်ဆိုးတွေကို ဖယ်ရှားပေးပါတယ်။
ပြုလုပ်ပုံ......
ရှာလကာရည်ကို ရေနဲ့ ၁:၃ အချိုး ရောပြီး အိမ်ကြမ်းပြင်တွေကို တိုက်ပေးပါ။ ဒါဆို ပိုးမွှားတွေကိုလည်း သေစေပြီး အနံ့ဆိုးတွေကိုလည်း ဖယ်ရှားပေးပါတယ်။
၈။ အိမ်သာခွက် သန့်ရှင်းရေး
အကျိုးကျေးဇူး........
အိမ်သာခွက်ထဲက အစွန်းအထင်းတွေကို သန့်စင်ပေးပြီး အနံ့အသက်ဆိုးတွေ ပျောက်စေပါတယ်။
ပြုလုပ်ပုံ.......
အိမ်သာခွက်ထဲက အစွန်းအထင်းတွေပေါ်ကို ရှလကာရည်လောင်းချပြီး နာရီဝက် (အစွန်းအထင်းများရင် တစ်နာရီ) လောက်ထားပါ။ ပြီးရင် ဘရပ်ရှ်နဲ့ ပွတ်တိုက်ပေးလိုက်ပါ။ အစွန်းအထင်းတွေက အလွယ်တကူ ပျောက်သွားပါလိမ့်မယ်။
ဒီလျှို့ဝှက်ချက်လေးတွေကို သိထားရင် အိမ်သန့်ရှင်းရေးကစလို့ ခြံအလုပ်တွေအထိ ရှလကာရည်တစ်ပုလင်းတည်းနဲ့ အကုန်လုံးကို ပြီးပြည့်စုံအောင် လုပ်နိုင်ပါတယ်။ ပိုက်ဆံလည်း သက်သာပြီး အလွယ်တကူလည်း လုပ်နိုင်တာကြောင့် စမ်းကြည့်ဖို့ အကြံပြုပါရစေ။
