Durga Chalisa တွင် ပါ၀င်သော အချက်တချို့ဖြင့် မယ်တော်မြတ်၏ ဂုဏ်တော်ကို ဖော်ကျူးအပ်ပါသည်။
အားလုံးမယ်တော်မြတ်၏ မေတ္တာကို ရရှိကြပါစေ။
Namo Namo Ambe Dukha Harani
ဒုက္ခတည်းဟူသော ဆင်းရဲမှုအပေါင်းကို ဖယ်ရှားပေးသော အမ်ဘေး ဒူရ်ဂါမယ်တော်အား အကျွန်ုပ် ရှိခိုးပါ၏။
Tava Mahima Saba Rahein Asoka
သင့်၏ ဂုဏ်ကျေးဇူးကြောင့် အားလုံးသည် ဒုက္ခဆင်းရဲမှ ကင်းဝေးရပေသည်။
Tumhein Sada Puje Nara Nari
အမျိုးသား၊ အမျိုးသမီးတို့သည် အစဉ်မပြတ် သင့်ကို ပူဇော်ကြပေသည်။
Prema Bhakti Se Jo Yasa Gave
Duhka Daridra Nikata Nahin Ave
မယ်တော််မြတ်၏ ထင်ရှားထူးကဲမှုနှင့် အထွတ်အထိပ်ဖြစ်ကြောင်းကို ချစ်ခြင်းမေတ္တာအကြောင်းပြုသည့် ကိုးကွယ်မှုဖြင့် ရွတ်ဖတ်ကြသူတို့သည် ဆင်းရဲခြင်းနှင့် ဒုက္ခမှ အစဉ်ကင်းဝေးရပေသည်။
Dhyave Tumhein Jo Nara Mana Layi
Janma Marana Tako Chuti Jayi
သင့်အပေါ် အာရုံစူးစိုက်ကာ ယုံကြည်စွာ နှလုံးသွင်း တရားကျင့်ကြံသူတို့သည် မွေးဖွားခြင်းနှင့် သေဆုံးခြင်းတို့ဖြစ်ပေါ်ရာ သံသရာစက်ကွင်းမှ ဧကန်လွတ်မြောက်ရပေမည်။
Moko Matu Kasta Ati Ghero
Tuma Bina Kauna Harai Duhkha Mero
အို အမေ ကျွန်ုပ်ကို ဒုက္ခဆင်းရဲများက ၀န်းရံထားလျက်ရှိပေသည်။ ကျွန်ုပ်တွင်ရှိသော ထိုဒုက္ခများအား သင်မှတစ်ပါး အခြားသူတို့ မဖယ်ရှားပေးနိုင်ပါ။
Asa Trsna Nipata Sataven
Moha Madadika Saba Vinasave
ကျွန်ုပ်၏ ‌လိုချင်တပ်မက်မှု(လောဘ)၊ လှည့်စားခံရခြင်းနှင့် မာနထောင်လွှားခြင်းတို့ဟာ ကျွန်ုပ်အား အစဉ် ညှင်းဆဲနှိပ်စက်လျက်ရှိပေသည်။
Satru Nasa Kijai Maharani
Sumiraun Ikacita Tumhein Bhavani
စကြ၀ဠာ၏ အရှင်သခင်ဘုရင်မတစ်ပါးဖြစ်သော မယ်တော်မြတ်။
အကျွန်ုပ်၏ ရန်သူများကို ဖယ်ရှားပေးတော်မူပါ။
အကျွန်ုပ်သည် သင့်အပေါ်တွင် စိတ်နှစ်မြှုပ်ကာ အာရုံပြုလျက်ရှိပါသည်။
Karo Kripa He Matu Dayala
အို ကြင်နာသနားတတ်သောမယ်တော်မြတ်။
အကျွန်ုပ်အပေါ်‌တွင် ကရုဏာ၊ မေတ္တာများ အစဉ်ထားတော်မူပါ။
Jaba Lagi Jiun Daya Phala Paun
အကျွန်ုပ်အသက်ရှိနေသည့်တစ်လျှောက်တွင် ကျွန်ုပ်သည် မယ်တော်မြတ်၏ မေတ္တာကို ခံယူရသူဖြစ်ရပါစေသား။
Tumharo Yasa Main Sada Sunaun
အကျွန်ုပ်သည် မယ်တော်မြတ်၏ ဂုဏ်တော်ကို ဖြန့်ဝေနိုင်သူဖြစ်ရပါစေသား။
Karahu Kripa Jagadamba Bhavani
အကျွန်ုပ်ပေါ်တွင် အစဉ် စကြ၀ဠာ၏ မိခင်ဖြစ်တော်မူသော သင့်၏ မေတ္တာနှင့် ဂုဏ်တော်သည် လွှမ်းခြုံပါစေ။
Jai Mata Di 🙏🏻
#hrk