မြောက်အတ္တလန္တိတ်သမုဒ္ဒရာရဲ့ တစ်နေရာမှာ အမေရိကန်ပြည်ထောင်စု၊ ပြင်သစ်တော်လှန်ရေးနဲ့ လျှပ်စစ်မီးသီး တွေ မပေါ်ပေါက်ခင်တည်းက ရှင်သန်နေထိုင်ခဲ့တဲ့ သတ္တဝါတစ်ကောင်ဟာ ကူးခတ်နေပါတယ်
အဲဒါကတော့ ၁၆၂၀ ခုနှစ်လောက်က မွေးဖွားခဲ့တယ်လို့ ယူဆရတဲ့ ဂရင်းလန်းငါးမန်း (Greenland shark) တစ်ကောင်ဖြစ်ပြီး အခုချိန်ထိ အသက်ရှင်လျက်ရှိနေပါသေးတယ် နှစ်ပေါင်း ၄၀၀ နီးပါး သက်တန်းရှိတဲ့ ဒီငါးမန်း ကြီးဟာ ကမ္ဘာပေါ်မှာ အသက်အရှည်ဆုံး ကျောရိုးရှိသတ္တဝါအဖြစ် မှတ်တမ်းတင်ထားပါတယ်
ဂရင်းလန်းငါးမန်းတွေဟာ တစ်နှစ်ကို ၁ စင်တီမီတာလောက်သာ ဖြည်းဖြည်းချင်း ကြီးထွားပြီး အသက် ၁၅၀ နှစ်လောက်မှသာ မျိုးပွားနိုင်တဲ့အရွယ်ကို ရောက်ရှိပါတယ်
သိပ္ပံပညာရှင်တွေဟာ ဒီငါးမန်းရဲ့ အသက်ကို စိတ်ဝင်စားစရာကောင်းတဲ့ နည်းလမ်းတစ်ခုနဲ့ ခန့်မှန်းခဲ့ကြပါတယ် အဲ့ဒါကတော့ မွေးဖွားစဉ်ကတည်းက ဖြစ်ပေါ်လာပြီး ဘယ်တော့မှ မပြောင်းလဲတဲ့ သူ့မျက်လုံးထဲက ပရိုတင်းတွေကို ရေဒီယိုကာဗွန် သက်တမ်းတိုင်းတာခြင်း (radiocarbon dating) နည်းလမ်းနဲ့ လေ့လာခဲ့တာဘဲဖြစ်ပါတယ်
ရလဒ်တွေအရ ဒီ ငါးမန်းဟာ ၁၅၀၁ ခုနှစ်ကနေ ၁၇၄၄ ခုနှစ်အတွင်း မွေးဖွားခဲ့တာဖြစ်ပြီး ၁၆၂၀ ခုနှစ်လောက်မှာ မွေးဖွားဖို့ အများဆုံးဖြစ်နိုင်တယ်လို့ ဆိုပါတယ်
