📚#ဂွတ်ဘိုင်ဘလတ်ဒီးမေရီ...📖
📚#ပါပီယွန်...📖
🔖
'နင်က ဘာအမှုလဲ။ '
'ဆင်းရဲမွဲတေမှု '
.................................................
🔖
' မခိုးဘူး၊ မဝှက်ဘူး၊ ထမင်းငတ်လို့
အလုပ်လာလုပ်မိပါတယ်။
အမေဒေါ်အောင်ဆန်းစုကြည် ကယ်ပါ....'
ချက်ကြီး (ကျောက်မြောင်း)
' အမေ ခုထိ သူ့အိမ်ထဲကနေ အပြင်ထွက်လို့
မရသေးဘူး ကိုချက်ကြီးရာ...'
(ပါပီယွန်)လို့ ကျနော် သူ့စာကြောင်းအောက်မှာ သွားပွတ်တံအနှောင့်နဲ့ ရေးခြစ်ခဲ့လိုက်တယ်။
(စာအုပ်တစ်အုပ်လုံးမှာ ကိုယ်သဘောကျဆုံး
Dialogueတွေ...။)
🔖
စာဖတ်သူ တော်တော်များများတော့
ဒီစာအုပ်လေးကို ဖတ်ဖူးကြမှာပါ။
စာအုပ်က တကယ်ကို ပါးပါးလေး။
ဖတ်ရတာလည်း ပေါ့ပေါ့ပါးပါး‌လေးဆိုပေမယ့် ...
စစချင်းတော့ ဒီစာအုပ်လေးရဲ့
Coverနဲ့ titleကိုကြည့်ပြီး၊ ဒါက သာမန်အလွမ်း၊
အဆွေး စာအုပ်လေးလို့ ထင်ခဲ့မိ‌တာ။
အထဲက အကြောင်းအရာတွေကို ဖတ်ကြည့်တော့မှပဲ ကိုယ့်မှာ လွဲတော့တာပဲ။
လွန်ခဲ့တဲ့ ဆယ်စုနှစ်တစ်ခုစာက ဒီတိုင်းပြည်ရဲ့
အခြေအနေတစ်ခုကို မီးမောင်းထိုးပြနေတဲ့
စာအုပ်တစ်အုပ်ဆိုလည်း မှားမယ်မထင်။
အခုထိလည်း ဤသို့ဤနှယ်၊ မထူးခြားနားပဲမလား။
🔖
ဘ၀ရဲ့အနိမ့်အမြင့်အတက်အကျတွေကြားထဲက
မလွယ်တဲ့ဘ၀တွေအကြောင်း၊
လူငယ်တွေရဲ့ ရှင်သန်ရေးမျှော်လင့်ချက်တွေနဲ့
လူလူချင်း ဂုတ်သွေးစုပ် ခြယ်လှယ်မှုတွေ...။
ရွှေ့ပြောင်းလုပ်သားတွေရဲ့ ဖြတ်သန်းရတဲ့ ဘ၀အစိတ်အပိုင်းတွေက ဖတ်ရသူမှာ
ရင်တလှပ်လှပ်နဲ့ပေါ့။
ကိုယ် တစ်ခါမှ မသိဖူးတဲ့
ခက်ခဲကြမ်းတမ်းမှုတွေရော...။
အခုလို ခေတ်ကာလအနေအထားတစ်ခုမှာ
ဒီစာအုပ်က ထပ်တူညီလွန်းတာထက် ပိုလိမ့်မယ်ထင်။