တန် ၅၀၀၀ ဖျက်သင်္ဘောသစ် ထပ်မံတည်ဆောက်မယ်လို့ မြောက်ကိုရီးယားပြော
ပြုံးယမ်း၊ ဇူလိုင်-၂၂-၂၀၂၅
ရတီ(VOM)
မြောက်ကိုရီးယား ရေတပ်အတွက် တန် ၅၀၀၀ ဖျက်သင်္ဘောအသစ်တစင်း ထပ်မံတည်ဆောက်မယ်လို့ နိုင်ငံပိုင်မီဒီယာတွေက ပြောပါတယ်။ ယခုနှစ်အတွင်း အလားတူ သင်္ဘောနှစ်စီးကို အောင်မြင်စွာ ရေချအသုံးပြုပြီးနောက်အခုလို ထုတ်ပြန်လာတာပါ။
ကင်ဂျုံအန်ကတော့ ရေတပ်စွမ်းရည်တွေ မြှင့်တင်ဖို့ ကတိပြုထားပြီး ဧပြီလတုန်းက Choe Hyon အမည်ရှိ ပထမဆုံး ၅၀၀၀ တန် ဖျက်သင်္ဘောကို စတင်အသုံးပြုခဲ့ပါတယ်။ တောင်ကိုရီးယားစစ်တပ်က ဒီသင်္ဘောကို ရုရှားရဲ့ အကူအညီနဲ့ တည်ဆောက်ခဲ့နိုင်တယ်လို့ ပြောပါတယ်။ ယူကရိန်းစစ်ပွဲမှာ ရုရှားကို ကူညီဖို့ စစ်သားထောင်ချီ စေလွှတ်ခြင်းနဲ့ အလဲအလှယ်လုပ်ခဲ့နိုင်တယ်လို့ ဆိုပါတယ်။
မေလတုန်းက Kang Kon အမည်ရ ဖျက်သင်္ဘောကို စတင်ရေချရာမှာ အခက်အခဲတွေ ကြုံခဲ့ရပေမယ့် ဇွန်လမှာ ပြန်လည်ပြင်ဆင်ပြီး အောင်မြင်စွာ ရေချစမ်းသပ်နိုင်ခဲ့ပါတယ်။
နမ်ပို သင်္ဘောကျင်းက အလုပ်သမားတွေက နောက်နှစ် အောက်တိုဘာ ၁၀ ရက်နေ့မှာ စစ်သင်္ဘောအသစ်ကို ပြီးစီးအောင် တည်ဆောက်မယ်လို့ ကတိပြုခဲ့ပါတယ်။ အဲဒီနေ့ဟာ မြောက်ကိုရီးယား အာဏာရ အလုပ်သမားပါတီရဲ့ နှစ်ပတ်လည်နေ့ ဖြစ်ပါတယ်။
မြောက်ကိုရီးယားm Choe Hyon-class Destroyer No. 3 ကို တည်ဆောက်မှာ ဖြစ်ပြီး ဒါဟာ ပြည်တွင်းဖြစ် စွမ်းအားအထက်ဆုံး စစ်သင်္ဘောဖြစ်လိမ့်မယ်လို့ မြောက်ကိုရီးယားက ဆိုပါတယ်။
လွန်ခဲ့တဲ့ တလက ရွေးကောက်ပွဲမှာ အနိုင်ရခဲ့တဲ့ တောင်ကိုရီးယားသမ္မတသစ် လီဂျေးမြောင် က သူ့ရဲ့ ယခင်သမ္မတ ယွန်းဆွတ်ခ်ယိုးလ်ရဲ့ မူဝါဒနဲ့ မတူဘဲ မြောက်ကိုရီးယားအပေါ် သဘောထားပျော့ပြောင်းတဲ့ ချဉ်းကပ်မှုတွေရှိနေပါတယ်။
တောင်ကိုရီးယား အစိုးရဟာ နယ်စပ်တလျှောက်မှာ အသံချဲ့စက်တွေနဲ့ဝါဒဖြန့်ထုတ်လွှတ်မှုတွေနဲ့ ရပ်ဆိုင်းလိုက်ပါတယ်။ အလားတူပဲ မြောက်ကိုရီးယားကလည်း တောင်ကိုရီးယားဘက်ကို ဆူညံနှောက်ယှက်သံတွေ ထုတ်လွှင့်နေတဲ့ ရပ်ဆိုင်းထားပါတယ်။
Ref:CNA