ငှက်ပျောဖူးကြော်......
ငှက်ပျောဖူး ၁ ဖူး အရင့်တွေဖယ်ပြီး နုနုလေးတွေကိုပါးပါးလှီးပြီး ဆားနည်းနည်းနဲ့ သံပုရာသီးနှစ်လုံးလောက်ညှစ်ထည့်ထားတဲ့ရေထဲကိုထည့်ပြီး ဆယ်မိနစ်လောက် စိမ်ထားပါ။
ပြီးရင် ရေးဆေးပြီး ရေစစ်ထားပါ။
ကြက်သွန်နီ ၂ လုံးလောက် လှီးထည့်ပါ။
အကြော်မှုန့် ယိုးဒယားမယ် အထုပ်အသေးလေး ၁ ထုပ်၊ ပဲစိမ်းမှုန့် ထမင်းစားဇွန်း ၂ ဇွန်း၊ ကြက်ဥ ၁ လုံး၊ ကြက်သားမှုန့်၊ သကြားလက်ဘက်ရည်ဇွန်းလေး ၂ ဇွန်းလောက်၊ ဆားအနည်းငယ်၊ ရေ ထမင်းစားဇွန်း ၅ ဇွန်းလောက် ထည့်နယ်ပြီး ၁၅ မိနစ်လောက် နှပ်ထားပါ။
ပြီးရင် ဆီပူပူမှာ ကိုယ်ကြိုက်တဲ့ အရွယ်အစားလေးတွေလုံးပြီး ထည့်ကြော်ပါ။
(ကြော်တဲ့အချိန် မီးအနေတော်လေးနဲ့ ကြော်ပေးပါ။ မီးပြင်းပြင်းနဲ့ကြော်ရင်တူးပြီးစားမကောင်းပါဘူး။)
ကိုယ်ကြိုက်တဲ့ အကြွပ်အနေအထားလောက်ရရင် ဆယ်ပြီး ဆီစစ် အအေးခံပြီးရင် စားလို့ရပါပြီ.......။
ထမင်းလေးနဲ့စားလည်း ကောင်းသလို ဒီအတိုင်းလေးစားလည်း ကောင်းပါတယ်ရှင့်......😋
Credit
