တရုတ်သို့ ထောပတ်သီးအခြေခံ အလှကုန်ပစ္စည်းများ တင်ပို့နိုင်
ရန်ကုန်၊ ဇူလိုင် ၂၁
တရုတ်နိုင်ငံကို ထောပတ်သီးမှ အခြေခံထုတ်လုပ်တဲ့ အလှကုန်ပစ္စည်းတွေ တင်ပို့နိုင်ကြောင်း မြန်မာကုန်သွယ်မှုမြှင့်တင်ရေးအဖွဲ့ကနေ သိရပါတယ်။
တင်ပို့လိုသူတွေအနေနဲ့ တရုတ်နိုင်ငံ အလှကုန်ကြီးကြပ်ရေးနှင့် စီမံခန့်ခွဲရေးဆိုင်ရာစည်းမျဉ်း (CSAR) မှ ထုတ်ပြန်ထားတဲ့ Special Cosmetics နဲ့ General Cosmetic လျှောက်ထားခြင်းဆိုင်ရာ လုပ်ထုံးလုပ်နည်းတွေနဲ့အညီ လိုက်နာဆောင်ရွက်နိုင်တယ်လို့ ဆိုပါတယ်။
မြန်မာနိုင်ငံကနေ တရုတ်နိုင်ငံကို ထောပတ်သီး၊ ထောပတ်သီးနဲ့ ဆက်စပ်တဲ့ တန်ဖိုးမြှင့်စားသောက်ကုန်၊ လူသုံးကုန်ပစ္စည်းတွေ တင်ပို့နိုင်ရေးအတွက် လက်ရှိမှာ ထောပတ်သီးစိမ်းကို လတ်ဆက်သော သစ်သီးဝလံအဖြစ် တင်ပို့နိုင်ရေးအတွက် အန္တရာယ်ရှိ ဖျက်ပိုးများအတွက် လေ့လာအကဲဖြတ်ခြင်း (PRA) ကို အဝေးရောက်စနစ်နဲ့ လေ့လာအကဲဖြတ်ခြင်း (Remote Video Inspection) ကျင့်သုံးဆောင်ရွက်ဖို့ နှစ်နိုင်ငံအကြား သဘောတူထားပါတယ်။
ထောပတ်သီးနဲ့ ဆက်စပ်တဲ့ တန်ဖိုးမြှင့် စားသောက်ကုန်တွေဖြစ်တဲ့ ထောပတ်သီးဆီ၊ ဖျော်ရည်များ၊ အေးခဲသစ်သီးများကို GACC ရဲ့ CIFER system မှတစ်ဆင့် လျှောက်ထားနိုင်တယ်လို့ သိရပါတယ်။
သီးနှံခူးစွတ်၊ ထုတ်ပိုးချိန်မှာ တရုတ်နိုင်ငံ၊ GACC ကနေ Remote Video Inspection နည်းနဲ့ သီးနှံစိုက်ခင်း၊ သိုလှောင်ရုံစီမံခန့်ခွဲမှုတွေနဲ့ ဌာနဆိုင်ရာ အစားအစာဘေးအန္တရာယ်ကင်းရှင်းရေးနဲ့ သီးနှံပိုးမွှားရောဂါ ကင်းရှင်းရေး စီမံခန့်ခွဲမှုတွေကို အဝေးရောက်ဗွီဒီယိုစနစ်နဲ့ စစ်မှာဖြစ်ပါတယ်။
မြန်မာနိုင်ငံက ထွက်ရှိတဲ့ ထောက်ပတ်သီးကို တရုတ်ကို တင်ပို့ရောင်းချမယ်ဆိုရင် ကုန်ပစ္စည်းမှာ ယင်ဖြူ၊ သီးထိုးယင်၊ ပိုးစေးနှဲ စတဲ့ အင်းစက်ဖျက်ပိုးတွေ ကင်းစင်နေရမှာဖြစ်ပြီး အခြားပိုးမွှား၊ ရောဂါတွေကို ကောင်းမွန်စွာ ကာကွယ်နှိမ်နင်းထားရမယ်လို့ Pets Risk Analysis - PRA လုပ်ငန်းစဉ်တွေအရ သိရပါတယ်။