မေတ္တာအကျိုး (၁၁) မျိုး

မေတ္တာဘာဝနာကို ကြိမ်ဖန်များစွာ ပွားများအားထုတ်သော ပုဂ္ဂိုလ်အား ရရှိနိုင်သော အကျိုးတရား (၁၁)ပါး

(၁) သုခံ သုပတိ - ချမ်းသာစွာ အိပ်စက်ရခြင်း။
(၂) သုခံ ပဋိဗုဇ္ဈတိ - ချမ်းသာစွာ နိုးထရခြင်း။
(၃) န ပါပကံ သုပိနံ ပဿတိ - အိပ်မက်ဆိုးများ မမြင်မက်ခြင်း။
(၄) မနုဿာနံ ပိယော ဟောတိ - လူတို့ ချစ်ခင်ကြခြင်း။
(၅) အမနုဿာနံ ပိယောဟောတိ - နတ်တို့ ချစ်ခင်ကြခြင်း။
(၆) ဒေဝတာ ရက္ခန္တိ - နတ်တို့၏စောင့်ရှောက်မှုကို ခံရခြင်း။
(၇) နာဿ အဂ္ဂိ ဝါ ဝိသံ ဝါ သတ္တံ ဝါ ကမတိ - မီး၊ အဆိပ်၊ ဓား လက်နက် စသော အန္တရာယ်များ မကျရောက်နိုင်ခြင်း။
(၈) တုဝဋံ စိတ္တံ သမာဓိယတိ- လျင်မြန်စွာ စိတ်၏ တည်ကြည်မှုကို ရရှိခြင်း။
(၉) မုခဝဏ္ဏော ဝိပ္ပသီဒတိ- ကြည်လင်ရွှင်ပြသော မျက်နှာရှိခြင်း။
(၁၀) အသမ္မုဠှော - မတွေဝေပဲ သေရခြင်း။
(၁၁) ဥတ္တရိ အပ္ပဋိဝိဇ္ဈန္တော ဗြဟ္မလောကူပဂေါ ဟောတိ - အရဟတ္တမဂ်ဖိုလ် မရသေး၍ မေတ္တာစျာန်ဖြင့် သေလျှင် ဗြဟ္မာ့ပြည်သို့ လားရောက်ရခြင်း။
လင်္ကာ -
အိပ်, နိုး ချမ်းသာ၊ ကောင်းစွာအိပ်မက်၊
ချစ်လျက်လူနတ်၊ စောင့်လတ်နတ်များ၊
မမီး-ဆိပ်-ဓားတို့ ရှောင်ရှားကိုယ်မှာ၊
လျင်စွာစိတ်တည်၊ ရွှင်ကြည်မျက်နှာ၊
သေကာမတွေ၊ လားလေဗြဟ္မာ၊
ဆယ့်တစ်ဖြာသည်၊ မေတ္တာပွားမှု အကျိုးတည်း။