ပါဝင်ပစ္စည်း ၃ မျိုးတည်းနဲ့ အိမ်မှာလုပ်စားနိုင်တဲ့ ရေခဲမုန့်!
ပူပြင်းတဲ့ရာသီဥတုမှာ အပူဒဏ်ကို ပြေပျောက်စေဖို့ ဒီရေခဲမုန့်လုပ်နည်းလေးကို လုပ်စားကြည့်ပါနော်........😋🔥🔥🔥
ပြုလုပ်နည်းအဆင့်ဆင့်.........
၁။ Milo (မိုင်လိုနို့ဘူး) ၁၈၀ မီလီလီတာဘူး ၄ ဘူး
(စုစုပေါင်း ၇၂၀ မီလီလီတာ) ကို အိုးထဲသို့ ထည့်ပါ။
၂။ ပြောင်းဖူးမှုန့် စားပွဲတင်ဇွန်း ၂ ဇွန်း ထည့်ပါ။
နို့ဆီ ၅၀ မီလီလီတာ (လိုအပ်ရင်ထပ်ထည့်နိုင်ပါသည်)
တို့ကို ထည့်ပြီး ပြောင်းဖူးမှုန့်ပျော်ဝင်သွားသည်အထိ
သမအောင် မွှေပါ။
၃။ မီးအလယ်အလတ်ဖြင့် အပူပေးပြီး အရောအနှောများ
ပျစ်လာသည်အထိ တည်ပါ။ အနှစ်များပျစ်လာပါက
မီးပိတ်ပြီး အအေးခံထားပါ။
၄။ အနှစ်များကို အဖုံးပိတ်နိုင်သော ဘူးထဲသို့ထည့်ပြီး
ရေခဲသေတ္တာ၏ ရေခဲခန်းထဲတွင် ရေခဲမုန့်ခဲသည်အထိ
ထည့်ထားပါ။
၅။ ခဲသွားသောအခါ ရေခဲသေတ္တာထဲက ထုတ်ပြီး ဓားဖြင့်
အတုံးသေးသေးလေးများ ဖြစ်အောင် လှီးပါ။
၆။ ထို့နောက် ရေခဲမုန့်သား နူးညံ့ချောမွေ့စေရန် ဖျော်စက်ဖြင့်
ကြိတ်ပါ။ ပြီးရင် အဖုံးပိတ်နိုင်သည့် ဘူးထဲကို ပြန်ထည့်ပါ။
၇။ ထို့နောက် ရေခဲသေတ္တာ၏ ရေခဲခန်းထဲတွင် ၅-၆ နာရီခန့်
ထပ်မံထည့်ထားပြီး ရေခဲမုန့် ခဲသည်အထိ စောင့်ပါ။
၈။ ပြီးရင်တော့ ခပ်ပြီး စားသုံးနိုင်ပါပြီ.........။😋
