Harry Potter ရိုက်နေတဲ့ Studio က သူတို့ရဲ့ ကလေးသရုပ်ဆောင်တွေ ရုပ်ရှင်ရိုက်ကူးနေရင်း ပညာရေးမပျက်စီးဖို့ Studio ထဲမှာ ကျောင်းတစ်ကျောင်း ဆောက်နေတယ်လို့သိရပါတယ်။
ဘာလို့လည်းဆိုတော့ ဒီ Series က အနည်းဆုံး နောက်ထပ် ၈ နှစ်ကနေ ၁၀ နှစ်လောက်ကြာအောင် ရိုက်ကူးမှာမို့ ဒီလိုစီစဉ်ထားတာလို့သိရပါတယ်။
BBC သတင်းအရ Three Rivers District Council က ဒီ Studio ကို နောက် ၁၀ နှစ်စာလုံး အဆောက်အဦးတွေကို ကျောင်းအဖြစ် အသုံးပြုဖို့ ခွင့်ပြုထားပါတယ်။ ဒီစာသင်ခန်းတွေက ရိုက်ကူးရေးကာလမှာ ကျောင်းသား ၆၀၀ လောက်အထိစာသင်နိုင်ဖို့ လုပ်ထားပေမယ့် အသုတ်တွေခွဲပြီး သင်ကြားရမယ်လို့သိရပါတယ်။
ကျောင်းက တစ်ပတ်ရဲ့ အလုပ်လုပ်ရက်တွေမှာ မနက် ၅:၃၀ ကနေ ည ၈:၃၀ အထိ ဖွင့်ထားမှာမို့လို့ ကလေးသရုပ်ဆောင်တွေအနေနဲ့ ညဘက်ရိုက်ကူးမှုတွေ၊ ပြန်လည်ရိုက်ကူးမှုတွေ၊ နေရာအပြောင်းအလဲ ရိုက်ကူးမှုတွေကြားထဲမှာ သူတို့ရဲ့ ပုံမှန်သင်ကြားမှုတွေကို ဆက်လုပ်နိုင်မှာပါ။
ဒီလိုမျိုး စီစဉ်ထားတာက ကလေးသရုပ်ဆောင်တွေရဲ့ ပညာရေးကိုလည်း မထိခိုက်နိုင်သလို ရုပ်ရှင်ရိုက်ကူးမှုရဲ့ ဖိအားတွေကိုလည်း သက်သာအောင် လုပ်ပေးနိုင်မယ်လို့ မြင်မိပါတယ်။
