Hogwarts မှာ မှော်ဆရာတွေပြန်ရောက်လာပါတော့မယ်။
J.K. Rowling ရဲ့ နာမည်ကျော် Harry Potter စာအုပ်စီးရီးကို HBO မှာ TV Series အသစ်အနေနဲ့ ပြန်လည်ရိုက်ကူးတော့မှာဖြစ်ပါတယ်။ Sorcerer’s Stone၊ Chamber of Secrets၊ Prisoner of Azkaban၊ Goblet of Fire၊ Order of the Phoenix၊ Half-Blood Prince၊ Deathly Hallows ဆိုတဲ့ စာအုပ် ၇ အုပ်ကို တစ်အုပ်ကို Season တစ်ခုနှုန်းနဲ့ ရိုက်ကူးသွားမှာဖြစ်ပါတယ်။
ပြီးခဲ့တဲ့ မေလမှာ အဓိကဇာတ်ကောင် ၃ ယောက်အတွက် သရုပ်ဆောင်တွေကို ရွေးချယ်ပြီးစီးခဲ့ပါတယ်။ Harry Potter အဖြစ် Dominic McLaughlin၊ Hermione Granger အဖြစ် Arabella Stanton၊ Ron Weasley အဖြစ် Alastair Stout တို့ကို ရွေးချယ်ခဲ့ပါတယ်။ ဒီသရုပ်ဆောင်တွေ အများစုက သရုပ်ဆောင်အတွေ့အကြုံ သိပ်မရှိတဲ့ မျက်နှာသစ်တွေဖြစ်ကြပါတယ်။
HBO က Harry Potter နေရာအတွက် ကလေးသရုပ်ဆောင် ၃၂,၀၀၀ ကျော်ကို စမ်းသပ်ရွေးချယ်ခဲ့ရပါတယ်။ အမှုဆောင်ထုတ်လုပ်သူ Mark Mylod က သူတို့ရဲ့ casting team က တစ်နေ့ကို Audition Video ပေါင်း ၅၀၀ ကနေ ၁,၀၀၀ လောက်ကို ပြန်ကြည့်ပြီး ရွေးချယ်ခဲ့ရတယ်လို့ ပြောပါတယ်။
ဒါ့အပြင် ရွေးချယ်ပြီးစီးခဲ့တဲ့ သရုပ်ဆောင်တွေကိုလည်းဖော်ပြပေးလိုက်ပါတယ်။
+7
