The Odyssey ရိုက်ကွင်းဟာ တစ်သက်မှာတခါသာ ​ကြုံရတဲ့​အလုပ်မျိုးလို့ Tom Holland ပြော
ဇူလိုင် ၁၅ရက်၊ ၂၀၂၅။
မင်းသား Tom Holland ဟာ ဒါရိုက်တာ Christopher Nolan ရဲ့ ရုပ်ရှင်အသစ် The Odyssey မှာ ပါဝင်သရုပ်ဆောင်ခဲ့ရတာဟာ (The Job of a Lifetime ) 'တသက်မှာတခါသာကြုံရတဲ့အလုပ်မျိုး' ဖြစ်ခဲ့တယ်လို့ ဖွင့်ဟပြောကြားလိုက်ပါတယ်။ သူဟာ မကြာသေးခင်က GQ Sports နဲ့ အင်တာဗျူးတစ်ခုမှာ အခုလို ပြောကြားခဲ့တာ ဖြစ်ပါတယ်။
သူက ဒီရုပ်ရှင်ကိုရိုက်ကူးရတာဟာ သူ့ရဲ့ အကောင်းဆုံးအတွေ့အကြုံဖြစ်ခဲ့ပြီး၊ ရုပ်ရှင်ဟာလည်း အရင်ကမမြင်ဖူးတဲ့ ပုံစံမျိုး ဖြစ်လာလိမ့်မယ်လို့ ဆိုပါတယ်။ ဒီရုပ်ရှင်မှာ Tom Holland ဟာ Odysseus ရဲ့သား Telemachus အဖြစ် ပါဝင်သရုပ်ဆောင်ထားတာ ဖြစ်ပြီး၊ Odysseus အဖြစ် Matt Damon က ပါဝင်ထားပါတယ်။
Tom Holland က Matt Damon နဲ့ Anne Hathaway တို့လို သူလေးစားရတဲ့ သရုပ်ဆောင်တွေနဲ့အတူ တွဲဖက်သရုပ်ဆောင်ခွင့်ရတဲ့အတွက် အရမ်းကို ဝမ်းသာမိတယ်လို့လည်း ပြောကြားခဲ့ပါတယ်။ ဒီရုပ်ရှင်ကို ၂၀၂၆ ခုနှစ်၊ ဇူလိုင်လ ၁၇ ရက်နေ့မှာ ရုံတင်ပြသသွားမှာ ဖြစ်ပါတယ်။