ကိုယ်ကျင့်သီလ
ကိုယ်ကျင့်သီလဟာ
မိသားစု ကြည်ညိုမှုကိုလည်း ရစေနိုင်တယ်။
(သို့မှသာ သားသမီးတွေရဲ့အားကိုးရာ
မိခင်ကောင်း၊ ဖခင်ကောင်းတွေ ဖြစ်မှာ။)
သေသူ မိဘနဲ့ ဆွေမျိုးများကိုလည်းပဲ
အောက်တန်းစားဘဝမှ အထက်တန်းစားဘဝသို့ရောက်အောင် ကယ်တင်နိုင်တယ်။
(သီလပြည့်စုံတဲ့ သားသမီးတို့ရဲ့ ပြုတဲ့ဒါန၊
ပေးဝေတဲ့အမျှတို့ဟာ မိဘဆွေမျိုး သေသူတို့ထံ
တိုက်ရိုက်ရောက်လို့ စူးရှစေရမှာ။)
ကိုယ့်ဘဝကောင်းစားရေးကိုလည်း
တာဝန်ယူနိုင်တယ်။ (အကျင့်မှန်လို့ အာရုံမှန်ယူပြီး
သေတတ်လျှင် လူ့ဘဝ, နတ်ဘဝ ရောက်ဖို့ သေချာပြီ။)
တစ်ယောက်တည်း တောတောင်မှာနေလျှင်
နတ်တို့ရဲ့ အကူအညီလည်း ရစေနိုင်တယ်။
(သီလစင်ကြယ်သူရဲ့ ကိုယ်နဲ့စိတ်သာလျှင်
နတ်တို့ရဲ့ အဆင့်အတန်းနဲ့မီလို့ နတ်တို့ရဲ့ တန်းတူဆက်ဆံမှုကို ခံယူရရှိမှာ။)
ကျင့်လိုတဲ့ ဈာန်သမာပတ်၊
မဂ်ဖိုလ် နိဗ္ဗာန်ဓာတ် တို့ကိုလည်း
အလွယ်တကူ ရယူစေနိုင်တယ်။
(သီလစင်ကြယ်လို့ ကိုယ်ကျင့်မှန်သူမှသာ
စိတ်တည်ငြိမ်ပြီး ဣန္ဒြေထက်သဖြင့်
ဈာန်၊ မဂ်သို့ ကူးနိုင်မှာ။)
🙏🙏🙏မဟာဗောဓိမြိုင်ဆရာတော်🙏🙏🙏
