#ပါ့ပေါင်းချိုင် (၈ မျိုး မုန်ညှင်းချဉ်)
ပါ့ပေါင်းချိုင် ဆိုတာ တရုတ်အခေါ်ပါ။
ဒါမျိုး ပါ့ပေါင်း‌ချိုင်က ဘယ်သူမှမရောင်းဘူး။
စားချင်ရင် ကိုယ့်ဘာသာ လုပ်မှ စားရမယ်။
အဆင့်အနေနဲ့ သတ်မှတ်ရမယ်ဆိုရင်
မုန်ညင်းချဉ်မှာ ပထမတန်းစားပေါ့။
ကျမတို့ ငယ်ငယ်တုန်းကတော့
စျေးမှာရောင်းတယ်။ ရေနွေးကြမ်းခွက်
သေးသေးလေး ၁ ခွက်ကို ၅၀၀ ကျပ် ပေးရတယ်။
၀ယ်စားရင် ရိုးရိုးမုန်ညှင်းချဉ်ထက်
စျေးပိုကြီးပါတယ်။ ခုနေရောင်းရင်တော့ ‌
တော်တော်ဈေးကြီးမှာ။
ပြုလုပ်နည်းကတော့ မုန်ညင်းချဉ်ပြုလုပ်နည်းအတိုင်းပါပဲ။ ပါ၀င်ပစ္စည်းတွေပဲ ပိုလာတယ်။
#ပါ၀င်ပစ္စည်း
1) မုန်ညင်း
2) ဥနီ
3) ဂျူးမြစ်
4) အောဆွန်း
5) မှိုတုံတုံ
6) မုန်လာပန်း
7) ပဲပိုးတီ
😎 ရွှေပဲသီး
9) ဆား
1 ငြုတ်သီးမှုန့်
11) နံနံစေ့မှုန့်
12) စမှုံစပါးစေ့မှုန့်
13) ကြံသကာ or သကြား
14) အရက်
#ပြုလုပ်ပုံ
မုန်ညင်းကို နွမ်းသွားအောင်နေလှန်းပါ။
နွမ်းသွားလျင် လိုသလိုလှီးဖြတ် ဆားနဲ့နှယ်ပြီး ရေသေချာဆေး ရေစစ်ထားပါ။
ကျန်သည့်ပါ၀င်ပစ္စည်း အသီးအရွက်များကိုလဲ
ရေသေချာဆေးပြီး လိုသလိုလှီးဖြတ်ကာ
နွမ်းသွားအောင် နေ ၁ ရက်လောက်လှန်းပါ။
နွမ်းသွားလျှင် ပါ၀င်ပစ္စည်းထဲ လိုအပ်သည့်
ဆား၊ ငရုတ်သီးမှုန့်နဲ့ အမွှေးအကြိုင်များ
လိုသလိုထည့်ကာ သမအောင်နှယ်ပြီး
ဗူးထဲ သိပ်ထည့်ထားလိုက်ပါ။
တစ်လလောက်ဆိုရင် စားလို့ရပါပြီ။
ရိုးရိုးမုန်ညင်းချဉ် ချဉ်နည်းလဲ ဒီအဆာပလာပဲနော်