မလေးရှားဝန်ကြီးချုပ်ဟောင်း မဟာသီယာဆေးရုံမှဆင်းပြီ
အသက် ၁၀၀ ပြည့်မွေးနေ့ အထိမ်းအမှတ် ပျော်ပွဲရွှင်ပွဲကျင်းပခဲ့အပြီးတွင် ပင်ပန်းနွမ်းနယ်မှုကြောင့် ဆေးရုံတက်ခဲ့ရသည့် မလေးရှားဝန်ကြီးဟောင်း မဟာသီယာ မိုဟာမက်သည် ဆေးရုံမှ ပြန်ဆင်းသွားပြီဖြစ်ကြောင်း ၎င်း၏ရုံးက တနင်္ဂနွေနေ့တွင် ပြောကြားခဲ့သည်။
အရှေ့တောင်အာရှနိုင်ငံကို ဆယ်စုနှစ် နှစ်ခုကျော် ခေါင်းဆောင်ခဲ့သော မဟာသီယာသည် နှလုံးနှင့်ပတ်သက်သော ရောဂါဝေဒနာများဖြစ်ခဲ့ဖူးပြီး ခွဲစိတ်ကုသမှုများ ပြုလုပ်ခဲ့ရသည်။ မကြာသေးခင်နှစ်များအတွင်း ၎င်းသည် အကြိမ်ကြိမ် ဆေးရုံတက်ခဲ့ရကာ သိပ်မကြာသေးခင် အောက်တိုဘာလအတွင်းကမှ အသက်ရှုလမ်းကြောင်းဆိုင်ရာ ကူးစက်ရောဂါကြောင့် ဆေးရုံတက်ခဲ့ရသေးသည်။
၎င်းသည် ပင်ပန်းနွမ်းနယ်မှုနှင့် ဆက်စပ်သော ဝေဒနာများကြောင့် တနင်္ဂနွေနေ့တွင် နိုင်ငံတော်နှလုံးဆေးရုံသို့ တက်ရောက်၍ စစ်ဆေးကုသခဲ့သည်ဟု ၎င်း၏ ရုံးက ပြောကြားခဲ့သည်။
“ညနေ ၄ နာရီ ၄၅ မိနစ်မှာ မဟာသီယာကို အိမ်ပြန်ခွင့်ပြုလိုက်ပါပြီ” ဟု အဆိုပါရုံးက သတင်းထုတ်ပြန်ပြောဆိုခဲ့သည်။
