ငါးပေါင်းထုပ် အလွယ်လုပ်နည်း.......။
ကျွန်တော်တို့မွန်ပြည်နယ်မှာ ငါးပေါင်းထုပ်ကို ဒီလိုပုစွန်နဲ့ပဲ ထုပ်တာများပါတယ်။ သူချည်း သီးသန့်စားလို့ကောင်းသလို ထမင်းနဲ့တွဲဖက်စားရင်လည်း ထမင်းမြိန်စေပါတယ်။ အိမ်မှာ ပေါင်းကြည့်တာ လွယ်ကူတာမို့ ငါးပေါင်းထုပ်အလွယ်ထုပ်နည်း မျှဝေပေးလိုက်ပါတယ်။
ပါဝင်ပစ္စည်းများ.........
- ပုစွန်
- မျှစ်
- ငှက်ပျောဖူး
- ဆိတ်ဖူး (မထည့်လည်းရ)
- ပဲပင်ပေါက်
- ရဲယိုရွက်
- ကြက်သွန်နီ
- ငရုတ်သီးစိမ်းတောင့်
- ဆား
- ကြက်သားမှုန်.
- ဆန်နှစ်မှုန့်
- ဆီ
ပြုလုပ်နည်း.........
အရင်ဆုံး မျှစ်၊ ငှက်ပျောဖူး၊ ဆိတ်ဖူး၊ ကြက်သွန်နီတို့ကို အနေတော်လှီးထားပါ။
ပြီးရင် ဇလုံတစ်ခုထဲသို့ ပုစွန်၊ မျှစ်၊ ငှက်ပျောဖူး၊ ဆိတ်ဖူး၊ ပဲပင်ပေါက်၊ ကြက်သွန်နီ၊ ငရုတ်သီးစိမ်းတို့ကို ဆား၊ ကြက်သားမှုန့်၊ ဆန်နှစ်မှုန့်၊ ရေအနည်းငယ်ထည့်ပြီး သမအောင် နယ်ပေးပါ။ပြီးရင် ရဲယိုရွက်ကို ဆီသုတ်ပြီး နယ်ထားတာတွေ ပုစွန်လေးတစ်ထုပ်ချင်းစီပါအောင် အနေတော်လေး ထုပ်ပြီး ငှက်ပျောဖက်နဲ့ပြန်ထုပ်ပါ။ ပြီးရင် အထုပ်တွေကို ပေါင်းအိုးနဲ့နာရီဝက်ခန့်ပေါင်းပြီးရင် အရသာရှိတဲ့ ငါးပေါင်းထုပ်လို့ခေါ်တဲ့ ပုစွန်ငါပေါင်းထုပ်လေး စားလို့ရပါပြီး..........။
ဒါကတော့ အိမ်မှာထုပ်တဲ့နည်းပါ။ ပါဝင်ပစ္စည်းတွေက ကိုယ်ကြိုက်နှစ်သက်ရာ အဆင်ပြေသလို ထုပ်စားလို့ရပါတယ်။
