မိုးဆက်တိုက် ရွာသွန်းနေခြင်းကြောင့် မြဝတီမြို့ သောင်ရင်းမြစ်ရေမြင့်တက်လာ
မိုးဆက်တိုက်ရွာသွန်းနေခြင်းကြောင့် မြဝတီမြို့တွင် သောင်ရင်းမြစ်ရေမြင့်တက်လာပြီး ဆက်လက်မြင့်လာနိုင်မည့်အခြေအနေကို စောင့်ကြည့်နေဆဲဟု ဒေသခံလူမှုကယ်ဆယ်အသင်း တာဝန်ခံတစ်ဦးက ပြောသည်။
ယနေ့ ဇူလိုင် (၁၁) ရက်၊ နံနက် (၆) နာရီအချိန်၌ သောင်ရင်းမြစ်ရေသည် (၇၆၇) စင်တီမီတာအထက်သို့ ရောက်ရှိနေပြီး၊ မြဝတီမြို့၏ စိုးရိမ်ရေမှတ်သည် (၉၆၃) စင်တီမီတာသတ်မှတ်ထားကြောင်း ဆိုသည်။
"သောင်ရင်းမြစ်က အခုမိုးများတော့ တရှိန်ထိုးတက်လာတယ်။ စိုးရိမ်ရေမှတ်တော့ မရောက်သေးဘူး၊ မနေ့က ညနေပိုင်းတည်းက ရွာတဲ့မိုးက အခုထိရွာနေတုန်းဆိုတော့ စောင့်ကြည့်နေရတယ်"ဟု ၎င်းက ဆိုသည်။
လတ်တလော မြဝတီမြို့တွင် မိုးဆက်တိုက်ရွာသွန်းမှုများကြောင့် မြို့တွင်းလမ်းများပေါ်တွင် ရေတင်လျက်ရှိပြီး ယ င်းသည် သောင်ရင်းမြစ်ရေတက်ခြင်းနှင့် မသက်ဆိုင်ကြောင်း ဆိုသည်။
ထိုင်း-မြန်မာ နယ်စပ်မြဝတီမြို့တွင် သောင်ရင်းမြစ်ရေ တက်လာခြင်းကြောင့် နှစ်စဉ်ရေကြီးရေလျှံဖြစ်ပွားသည့် အ ခြေအနေမျိုး ကြုံတွေ့ရ လေ့ရှိသည့် မြို့ဖြစ်သည်။
