University of Oxford က အကြီးစားလေ့လာမှုတစ်ခုအရ နေ့တိုင်းလမ်းပိုလျှောက်ရုံနဲ့ ကင်ဆာဖြစ်နိုင်ခြေကို သိသိသာသာ လျှော့ချနိုင်တယ်လို့ တွေ့ရှိခဲ့ပါတယ်။ ဗြိတိန်လူကြီးမှ ၈၅,၀၀၀ ကျော် ပါဝင်တဲ့ ဒီသုတေသနက လူတွေရဲ့ နေ့စဉ်လှုပ်ရှားမှုတွေကို activity trackers တွေသုံးပြီး မှတ်တမ်းတင်ခဲ့ရာမှာ လှုပ်ရှားမှုများလေလေ ကင်ဆာဖြစ်နိုင်ခြေ နည်းလေလေဆိုတာကို တွေ့ရှိခဲ့ပါတယ်။
နေ့စဉ် ခြေလှမ်း ၅,၀၀၀ လောက် လျှောက်တာနဲ့တင် အကျိုးကျေးဇူးတွေ စတင်ပြသပြီး၊ ခြေလှမ်း ရ,၀၀၀ ကနေ ၉,၀၀၀ လျှောက်တဲ့သူတွေမှာ ကင်ဆာဖြစ်နိုင်ခြေ ၁၁% ကနေ ၁၆% အထိ လျော့ကျသွားတာကို တွေ့ရပါတယ်။ ခြေလှမ်း ၉,၀၀၀ ကျော်ရင်တော့ အကျိုးကျေးဇူးက တန့်သွားပုံရပြီး၊ လှုပ်ရှားမှုရဲ့ ပြင်းထန်မှုထက် စုစုပေါင်းလှုပ်ရှားမှု ပမာဏက ပိုအရေးကြီးတယ်ဆိုတာကို ပြသနေပါတယ်။
လမ်းလျှောက်တဲ့ အရှိန်မြန်တာက အတိုင်းအတာတစ်ခုအထိ သက်ရောက်မှုရှိပေမယ့်၊ ဖြည်းဖြည်းလျှောက်တာတောင်မှ အလုံးစုံလှုပ်ရှားမှုကပဲ တကယ်ကို ကွာခြားစေခဲ့တာပါ။ ဒီလေ့လာမှုက colon, lung, liver, breast, bladder အပါအဝင် ကင်ဆာ ၁၃ မျိုးကို အဓိကထား လေ့လာခဲ့တာပါ။ gastric, liver နဲ့ lung cancers တွေမှာ လှုပ်ရှားမှုများခြင်းက ကင်ဆာဖြစ်နိုင်ခြေ နည်းပါးခြင်းနဲ့ အပြင်းထန်ဆုံး ဆက်စပ်နေခဲ့ပါတယ်။
အရင်က လေ့လာမှုတွေလို ကိုယ့်ဘာသာ အစီရင်ခံတာမျိုး၊ ဒါမှမဟုတ် ပြင်းထန်တဲ့ လေ့ကျင့်ခန်းတွေပဲ အဓိကထားတာမျိုး မဟုတ်ဘဲ၊ ဒီလေ့လာမှုကတော့ wearbles တွေကို သုံးပြီး တိကျမှန်ကန်စွာ မှတ်တမ်းတင်ခဲ့တာဖြစ်လို့ နေ့စဉ် ပေါ့ပေါ့ပါးပါး လှုပ်ရှားမှု၊ ဥပမာ- လမ်းလျှောက်တာမျိုးကပဲ ကျန်းမာရေးကို ကာကွယ်ဖို့ လုံလောက်တယ်ဆိုတာကို ပြသနေပါတယ်။ သိပ္ပံပညာရှင်တွေကတော့ နေ့စဉ် ခြေလှမ်းပိုလှမ်းတာက ကင်ဆာဖြစ်နိုင်ခြေကို လျှော့ချဖို့ အလွယ်ကူဆုံးနည်းလမ်းတွေထဲက တစ်ခုဖြစ်နိုင်တယ်လို့ ဆိုပါတယ်။
ကျန်းမာကြပါစေ။