🌿ကန်စွန်းရွက် ၁ စည်းကို ၁၀၀၀/၁၂၀၀ ဝန်းကျင်လောက်ပေးဝယ်နေရတဲ့ ခေတ်မှာ ကန်းစွန်းရွက်ပလိန်းကြော်ပူပူလေး တစ်ခါကြော်ဖို့တောင် နှမြောနေရပြီနော်....... 😖
ဒါဆို အိမ်မှာ လတ်လတ်ဆက်ဆက်နဲ့ အဝစားဖို့ စိုက်ထားဖို့ လိုအပ်နေပြီးရှင့် ။ ကန်စွန်းရွက် စိုက်တာလောက် လွယ်တဲ့နည်းမရှိတော့ပါဘူးနော် 😊
မြေနေရာကျယ် မရှိသူများလည်း အိုး ၊ ခြင်း ၊ ပလပ်စတစ်ခွက်တွေမှာ စိုက်လို့ရပါတယ်ရှင့် ။
ပုံမှာ နမူနာ စိုက်နည်း idea တွေပြထားပေးပါတယ်နော် 🤍
- ကန်စွန်းမျိုးစေ့ တစ်ထုတ် တစ်ထောင်ငါးရာ ကျပ်ထဲပါ -
ကန်စွန်းစိုက်ဖို့ မြေနေရာမရှိသူတွေအတွက် ရက် ၂၀ ( ၃ ပတ်အတွင်း ) လက်လက်ဆတ်ဆတ် ကန်စွန်းရွက် အပင်ဖောက်ပြီး စားနိုင်မယ့်စိုက်ပျိုးနည်းလမ်း များဖြစ်ပါတယ် ။
- မြေကြီးနဲ့စိုက်လိုသူများအတွက် စိုက်နည်း -
ကန်စွန်းမျိုးစေ့ကို ရေဆေးပြီး ၂ ရက်တိတိရေစိမ်ထားပေးပါ ။
ပြီးမှကိုယ်စိုက်လိုတဲ့မြေကြီးပေါ်ချစိုက်ပါ ။
၂ ရက်ရေစိမ်ပြီးမျိုးစေ့လေးတွေကွဲလာကာ
အတက်လေးတွေထွက်လာသည့်ပုံကိုပြပေးထားပါတယ်။
- ရေဖြင့်စိုက်နည်း -
ကန်းစွန်းမျိုးစေ့ကို မျိုးစေ့ရောင်းတဲ့ ဆိုင်တွေမှာ မေးဝယ်ပါ ။
စတင်စိုက်ရန် လိုအပ်ချက်များကတော့
၁။ စကာပေါက်ပါ ခြင်းအသေးလေးတစ်လုံး
၂။ ရေဇလုံ / စကာပေါက်အနေတော်ကျမယ့် ပုံးတစ်ပုံး
၃။ ရေ
၄။ ကန်စွန်းရွက်မျိုးစေ့
ပျိုးနည်းကတော့ အရမ်းလွယ်ပါတယ်
ဖော်ပြထားတဲ့ ၄ မျိုးအဆင်သင့်ဖြစ်ပြီဆိုရင်
ကန်စွန်းရွက်မျိုးစေ့ကို ခြင်းထဲထည့်လိုက်ပါ ။
ထို့နောက် ရေထည့်ထားသော ဇလုံ(သို့မဟုတ်)
ပုံးထဲကို ကန်းစွန်းရွက်မျိုးစေ့ကို အနေတော် ရေနစ်ရုံလေးထားလိုက်ပါ။
၂ ရက် ၃ ရက် ကြာသွားတဲ့အခါမှာတော့ ကန်းစွန်းရွက် အပင် စပေါက်လာတာကို မြင်တွေ့ရပါလိမ့်မယ်။
အဲဒီနောက်မှာတော့ နေရောင်ခြည် ရရှိနိုင်တဲ့နေရာမှာ အပင်ကြီးထွားလာနိုင်စေရန် ထားရှိ စောင့်ဆိုင်းပြီး အပင်ကြီးထွားလာသည်နှင့် အမျှ စားသုံးလို့ရပါပြီ။