ကိုယ့်ရဲ့ ကောင်းခြင်းလေးတွေ အတွက် တံခါးဖွင့်ထားပါ။ ✨
တစ်ခါတလေ မှာ မိမိတို့ ဘဝမှာ ရောက်ရှိလာဖို့ ရှိတဲ့ ကောင်းခြင်းတွေဟာ မိမိရဲ့ ပြုမူပြောဆို၊ လုပ်ဆောင် လိုက်တဲ့ လုပ်ရပ်တွေကြောင့်ပဲ အချိန်ကိုက်ရောက်ရှိမလာနိုင်ပဲ နှောင့်နှေးကြန့်ကြာနေတတ်ပါတယ်။
ကောင်းခြင်းတွေကို လက်ခံချင်တဲ့ လူသား မိမိဟာ ရောက်ရှိလာမယ့် ကောင်းခြင်းတွေကို လက်ခံနိုင်တဲ့စိတ်နှလုံးသား positive space အကျယ်အဝန်းရှိနေသင့်ပြီး လက်ခံဖို့ ထိုက်တန်တဲ့ သူ ဖြစ်နေဖို့ လိုအပ်ပါတယ်။ ထိုက်တန်သူလေး ဖြစ်နေစေဖို့ မိမိရဲ့ အတွေး၊ အပြောနဲ့ လုပ်ရပ်တွေမှာ မေတ္တာဓာတ်လေး ပါဝင်နေဖို့ လိုအပ်ပါတယ်။ ✨
လူသားတွေဟာ စိတ်ပိုင်းဆိုင်ရာ လိုအပ်ချက်တွေ များလာပြီး ကိုယ်ကျိုးကြည့်လာတာနဲ့ အမျှ လုပ်ဆောင်သမျှ အရာရာတိုင်းမှာ မေတ္တာ စေတနာ ပါဝင်ခြင်း မရှိတော့ပဲ အတွင်းစိတ်မှာ အတ္တ၊ မာန လေးတွေ ဖုံးလွှမ်းလာတာကို သတိမပြုမိကြပဲ ရှင်သန်နေထိုင်နေကြပါတော့တယ်။
မိမိရဲ့ တစ်နေ့တာမှာ တွေးလိုက်တဲ့ အတွေးတွေဟာ Negative thought တွေ များနေလား၊ ပြောလိုက်တဲ့ စကားတွေမှာ သူတစ်ပါးအတွက် ထိခိုက်စေမှုတွေ ပါဝင်နေလား၊ လုပ်လိုက်တဲ့ အပြုအမူတွေ မှာ မကောင်းတဲ့ ရည်ရွယ်ချက်တစ်ခုပါဝင်နေလား ဆိုတာ
တစ်နေ့တာ ပြီးဆုံးတိုင်း စမ်းစစ်ကြည့်သင့်ပါတယ်။
Negative ဆောင်တဲ့ အတွေးတွေ၊ လုပ်ရပ်တွေ ပါဝင်နေတယ် ဆိုရင်တော့ သတိထားပြီး လျော့ချသွားဖို့ရန် လိုအပ်ပါတယ်။
ပူလောင်ပြီး အလိုမကျနေတဲ့ စိတ်လေးဟာ ကောင်းခြင်းတွေ ရောက်ရှိလာမယ့် လမ်းကြောင်းလေးရဲ့ တံခါးကို ပိတ်ထားလိုက်ခြင်းပဲ ဖြစ်ပါတယ်။
ကြည်လင်အေးချမ်းနေတဲ့ စိတ်လေးနဲ့ မိမိလုပ်ဆောင်ဖို့ ရှိနေတဲ့ လုပ်ဆောင်နိုင်တဲ့ အရာကို တစ်ဆင့်ချင်း လုပ်ဆောင်သွားရင်တော့ မိမိရဲ့ ရရှိလာရမယ့် ကောင်းခြင်းတွေ တစ်နည်းအားဖြင့် လူ့လောကထဲမှာ ရှင်သန်နေထိုင်နေစဉ်အတွင်း ကောင်းမွန်တဲ့ အထောက်အပံ့ resources လေးတွေ ရလာမှာပဲ ဖြစ်ပါတယ်။ ✨
ဖြစ်လာသမျှ အခက်အခဲတွေ၊ စမ်းသပ်ချက်တွေ ကို ကြုံတွေ့လာရတဲ့ အခါ လောက ကမ္ဘာမြေရဲ့ ဖြစ်ပြီးရင် ပျက်နေတတ်တဲ့ Flow ကို သိရှိနေဖို့ လိုအပ်ပါတယ်။
မိမိက အပူတပြင်း နဲ့ မိမိမှာ ဖြစ်ပေါ်လာနေတဲ့ အခက်ခဲတွေကို လက်မခံနိုင်ပဲ ဝမ်းနည်းပူဆွေးမှုတွေနဲ့လည်း ပိတ်မိနေတတ်ပြန်ပါသေးတယ်။ ဒါဟာ ပေါ်ပေါက်လာတဲ့ ပြဿနာအတွင်းမှာ လည်ပတ်သွားခြင်းပါပဲ။ အရာရာကို သူ့ Flow နဲ့ သူ လွတ်လပ်စွာ စီးဆင်းနေစေပြီး ကြံ့ခိုင်သန်မာသော စိတ်ဓာတ်နဲ့ မိမိ လုပ်စရာ ရှိတာတွေကို ဆက်ပြီး လုပ်ဆောင်သွားပါလို့ အကြံပေးချင်တာပါပဲ။ မိမိ အတွက် ရောက်ရှိလာမယ့် ကောင်းခြင်းတွေဟာ အချိန်ကိုက် ရောက်ရှိလာပါလိမ့်မယ်။ ✨
လူ့လောက ရဲ့ နေထိုင်နည်း အမှန်ကို သိရှိပြီး အေးချမ်းစွာ နေတတ်ဖို့၊ မှန်ကန်တဲ့ Positive စိတ်ထားနဲ့ နေထိုင်နေပြီး ကောင်းခြင်းတွေနဲ့ ထိုက်တန်တဲ့ မိမိ အတွက် ရရှိရမယ့် ဆုလာဘ်လေးတွေ အချိန်မှန်လေး ရောက်ရှိနိုင်စေဖို့ ရည်ရွယ်ရင်း ရေးသားလိုက်ရပါတယ်နော်။ ✨✨✨
Crd...