စိတ်အမှိုက်တွေ ရှင်းထုတ်ဖို့ ၊ စဉ်းစားတဲ့ပုံစံကို ပြောင်းလဲတတ်ဖို့ သင်ယူရပါမယ် ။ လွယ်တဲ့အလုပ်တော့ မဟုတ်ပါဘူး ။ ဒါပေမဲ့ မဖြစ်နိုင်တာတော့ မဟုတ်ပါဘူး ။ ကျွန်မရဲ့ ကိုယ်ပိုင်အတွေ့အကြုံအရ မကောင်းတာတွေကို အာရုံစိုက်မယ့်အစား ကောင်းတာတွေကို အာရုံစိုက်တာက ဘဝကို အကောင်းတွေအများကြီး ယူဆောင်လာပေးမယ် ဆိုတာ ကျွန်မ ပြောနိုင်ပါတယ် ။
အောင်မြင်ပျော်ရွှင်နေသူတွေက ဘာတွေကိုစဉ်းစားပြီး အချိန်ကုန်ဆုံးတတ်ကြတယ်လို့ စာဖတ်သူ ထင်ပါသလဲ။ အဖြေကတော့ တကယ်ကို ရိုးရိုးလေးပါ ။ အဲဒီလူတွေက သူတို့အတွက် သူတို့ချမှတ်ထားတဲ့ ပန်းတိုင်တွေနဲ့ အဲဒီပန်းတိုင်တွေကို ဘယ်လို အောင်မြင်အောင် လုပ်ဆောင်ရမလဲဆိုတဲ့အကြောင်း တွေးတောပါတယ်။
အဲဒီအတွေးတွေက သူတို့ရဲ့စိတ်ကို မကောင်းတဲ့အတွေး တွေ မဝင်လာအောင် အကာအကွယ် ပေးထားပြီး အောင်မြင်မှုဆီ တွန်းပို့ပေးတဲ့ အကောင်းမြင် သဘောထားတွေ ဖြစ်ပေါ်လာအောင် ကူညီပေးပါတယ် ။ အဲဒီအရာတွေရဲ့ တခြားတစ်ဖက်မှာ မကောင်းမြင်သူတွေက သူတို့မှာ မရှိတဲ့အရာတွေနဲ့ ဘဝမှာ သူတို့မလိုချင်တဲ့ အရာတွေအကြောင်း စဉ်းစားရင်း ၊ ပြောဆိုရင်း နဲ့ အချိန်ကုန်တတ် ကြပါတယ် ။ အဲဒီအတွေးတွေက သူတို့ကို စိတ်မချမ်းမမြေ့ဖြစ်စေပြီး စိတ်ဓာတ်တွေ ကျစေပါတယ် ။
#ထက်ထက်တင်ဇာ
