#နိုင်ငံတကာသတင်း
◼ ထိုင်းအစိုးရအဖွဲ့သစ်အစည်းအဝေးသို့ယဉ်ကျေးမှုဝန်ကြီးအဖြစ်ပေထုန်တန်တက်ရောက်
ယနေ့နံနက်တွင်ပြုလုပ်သည့်ထိုင်းအစိုးရအဖွဲ့သစ်အစည်းအဝေးသို့လက် ရှိ၌ ဖွဲ့စည်းပုံအခြေခံဥပဒေခုံရုံးကဝန်ကြီးချုပ်ရာထူးမှယာယီဆိုင်းငံ့ထားသောပေထုန်တန်ကယဉ်ကျေးမှုဝန်ကြီးအဖြစ်တက်ရောက်လာခဲ့သည်။
ကမ္ဘောဒီးယား ခေါင်းဆောင်ဟောင်း ဟွန်ဆန်နှင့် သီးသန့်ဖုန်းခေါ်ဆိုမှု ပေါက်ကြားခဲ့ခြင်းအား စုံစမ်းစစ်ဆေးမှု လုပ်ဆောင်နေစဉ် ထိုင်းအခြေခံဥပဒေခုံရုံးက ဝန်ကြီးချုပ် ပေထုန်တန်ရှင်နာဝပ်အား ရာထူးမှ ဆိုင်း ငံ့ထား ခြင်းဖြစ်သည်။
ယင်းကိစ္စနှင့်ပတ်သက်၍ ဝန်ကြီးချုပ်က ကျင့်ဝတ်ချိုးဖောက်ကြောင်းထိုင်း အ ထက်လွှတ်တော် အမတ် ၃၆ ဦးက စွပ်စွဲ ထားသည့်တင်ပြချက်ကို လက်ခံရန် အခြေခံဥပဒေခုံရုံး တရားသူကြီး ကိုးဦးစလုံးကဇူလိုင် ၁ရက်တွင် တစ်ညီ တ ညွတ်တည်း ဆုံး ဖြတ် ခဲ့ ကြသည်။
ထို့နောက် စုံစမ်းစစ်ဆေးမှုများလုပ်ဆောင်ပြီး ၎င်းတို့၏ ဆုံးဖြတ်ချက် မထွက်ပေါ်မီ ပေထုန်တန်အား ဝန် ကြီး ချုပ်အား ရာထူးမှ ဆိုင်းငံ့ထားရန် တရား သူ ကြီးများက ထောက်ခံမဲ ၇ မဲ ၊ ကန့်ကွက်မဲ ၂ မဲဖြင့် ဆုံးဖြတ် ခဲ့ ကြ ခြင်းဖြစ် သည်။
လက်ရှိတွင်ယာယီဝန်ကြီးချုပ်အဖြစ်ဖွေထိုင်းပါတီဝင်ဖြစ်ပြီးဒုတိယဝန် ကြီးချုပ် လည်းဖြစ်သည့်ပို့ဆောင်ရေးဝန်ကြီးဆူရီယာအားအစားထိုးခန့်အပ်ထား သည်။
ထိုင်းဒေသစံတော်ချိန်ယနေ့(ဇူလိုင် ၃ ရက်)နံနက် ၁၁ နာရီတွင်ပြုလုပ်ခဲ့ သည့်ကက်ဘိနက်အစည်းအဝေး ကို ယာယီဝန်ကြီးချုပ်အဖြစ်ဆူရီယာကဦးဆောင်ခဲ့သည်။
အဆိုပါအစည်းအဝေးအပြီးတွင်ဆူရီယာကယာယီဝန်ကြီးချုပ်အဖြစ်မှနုတ်ထွက်ပြီးဝန်ကြီးချုပ်ဟောင်းသက်ဆင်၏အယုံကြည်ရဆုံးဖြစ်သည့်ကာ ကွယ်ရေးဝန်ကြီးဟောင်းဖမ်သမ်ဝီချာယာချိုင်းအားယနေ့နှောင်းပိုင်းတွင်တာဝန်လွှဲအပ်မည်ဟုမျှော်လင့်ရသည်။
ကမ္ဘောဒီးယား နှင့် နယ်စပ်ပြဿနာများဖြေရှင်းရေး ဇွန် ၁၅ ရက် က ဖုန်း ခေါ်ဆိုမှုအတွင်း အသက် ၃၈ နှစ် အ ရွယ်ပေထုန်တန် က ကမ္ဘောဒီးယားခေါင်း ဆောင်ဟောင်းဟွန်ဆန်အား အလွန်အမင်းအောက်ကျို့ခဲ့ပြီး ထိုင်း စစ် ဘက်တပ်မှူးတစ်ဦးကိုလည်းဆန့်ကျင်သူအဖြစ် ဝေဖန်ခဲ့သည်။
ယင်းဖုန်းပြောဆိုမှုအသံဖိုင်ပေါက်ကြားခဲ့ပြီးနောက်ထိုင်းအမျိုးသားရေးဝါဒီများ ၏အမျက်ထွက်မှုနှင့်ပေထုန်တန်ကရင်ဆိုင်ခဲ့ရပြီးရာထူးမှာနုတ်ထွက်ရန်တောင်းဆိုမှုများလည်းမြင့်တက်လာခဲ့သည်။
ထို့နောက် ဩဇာကြီးမားသည့် ကမ္ဘောဒီးယားခေါင်းဆောင်ဟောင်း ဟွန်ဆန် နှင့် ဖုန်းပြောဆိုမှုတွင် ပေ ထုန် တန် သည် အခြေခံဥပဒေအား ချိုးဖောက်၍ ရိုးသားဖြောင့်မတ်မှုမရှိခြင်း နှင့် ကျင့်ဝတ်ပိုင်းဆိုင်ရာ စံနှုန်းများကို ချိုး ဖောက်ခဲ့ကြောင်း အထက်လွှတ်တော်အမတ် ၃၆ ဦး က အခြေခံဥ‌ပဒေဆိုင်ရာတရားရုံးသို့ တင်ပြလွှာ၌ စွပ်စွဲ ခဲ့ကြသည်။
လက်ရှိတွင်ထိုင်းနိုင်ငံ၏အသက်အငယ်ဆုံးဝန်ကြီးချုပ်ဖြစ်လာခဲ့သောပေထုန်တန်သည်လူထုထောက်ခံမှု ကျ ဆင်း ခြင်းနှင့်လည်း ရင်ဆိုင်နေရပြီး မတ်လက ၃၀ ဒသမ ၉ ရာခိုင်နှုန်း ရှိခဲ့ သောထောက်ခံ မှုမှာ ဇွန် ၁၉ နှင့် ၂၅ ရက် ကြား ပြုလုပ်ခဲ့သော လူထုစစ်တမ်း၌ ၉ ဒသမ ၂ ရာခိုင်နှုန်းသာ ရှိတော့ကြောင်း သိရသည်။
သတင်း-လင်းခေတ်
ကိုးကား-Khaosod