#မုန့်လက်ဆောင်း လုပ်နည်းလေး မေးထားတဲ့သူတွေအတွက် တင်ပေးလိုက်ပြီနော်😋😋
{ ပါဝင်ပစ္စည်းများ }
၁။ မွှေးရှယ်ဆန်စိမ်းမှုန့်၂၀၀ ဂရမ်
၂။ မွှေးကော်မှုန့်၅၀ ဂရမ်
၃။ ဆွမ်းမွှေးရွက်၆ ရွက်
၄။ အုန်းနို့အနည်းငယ်
၅။ အုန်းသီးဆံအနည်းငယ်
၆။ ရေ ( ထုံးရေကြည်အတွက် )၇၀၀ မီလီ
၇။ ရေ (ဆွမ်းမွှေးရွက်အတွက်)၅၀၀ မီလီ
၈။ ထန်းလျက်၃၀ ကျပ်သား
၉။ ထုံး လက်ဖက်ရည်ဇွန်း ၁ ဇွန်း မောက်မောက်
~ ကွမ်းစားထုံး ၁ ဇွန်းကို ရေ ၇၀၀ မီလီနှင့် ဖျော်၍ တစ်ည စိမ်ထားရပါမယ်
~ ဆွမ်းမွှေးရွက် ၆ ရွက်ကို ရေ ၅၀၀ မီလီ ထည့်၍ mixer ( မွှေစက် ) ဖြင့် မွှေပေးပါ။ ပြီးရင် အဖတ်များမပါစေရန် ရေစစ်ထားပါမယ်
~ ထုံးရေကြည်ကို ယူပါ။ ပြီးရင် ထုံးရည်ကြည် ၂၀၀ မီလီခန့် ဖယ်ထားပါ။ လက်ကျန်ထုံးရည်ကြည်နှင့် ရေ နှစ်ခုပေါင်း ၆၀၀ မီလီ ပြည့်အောင် ဖြည့်ပါ။
~ ထို့နောက် ထုံးရည်ကြည်ထဲသို့ ဆန်စိမ်းမှုန့် ၂၀၀ ဂရမ် ထည့်ပါ။ ကော်မှုန့် ၂ ဇွန်းခွဲထည့်ပါ။ မွှေပေးပါ။ ဆွမ်းမွှေးရည် ထည့်ပါ။ မွှေပေးပါ။
~ အားလုံးရလျှင် ကျိုပါမည်။။ မီးအသင့်အတင့်ထားပါ။ ဒယ်အိုးထဲသို့ မုန့်ရည်လောင်းထည့်လျှင် ဇကာဖြင့်စစ်၍ လောင်းထည့်ပါ။
~ အဆက်မပြတ်မွှေပေးပါ။ ပျစ်လာလျှင် ဖယ်ထားသော ထုံးရည်ကြည် ထည့်ပါ။ ညောင်စေးကျလာလျှင် ရပါပြီ။
~ မုန့်လက်ဆောင်းဖတ်ပြုလုပ်ရန်အတွက် ဇလုံတစ်ခုထဲသို့ ရေခဲနှင့် ရေ ထည့်ထားပါ။
~ ဇကာပေါက်ပါသော ဇွန်းထဲသို့ မုန့်နှစ်ထည့်၍ အပေါ်မှ တခြားဇွန်းတစ်ချောင်းဖြင့် ဖိပေးပါ။
( မှတ်ချက် - မုန့်လက်ဆောင်းဖတ်ညှစ်ချရန် ပြုလုပ်ထားသော လက်ညှစ်ဂန်း ဖြင့်လည်း ပြုလုပ်နိုင်ပါသည်။ )
"မုန့်လက်ဆောင်းဖတ်ရလျှင် ထန်းလျက်ရည် ၊ အုန်းနို့ရည် ၊ အုန်းသီးဖတ် ၊ ရေခဲ တို့ ထည့်၍ သုံးဆောင်နိုင်ပါသည်"