ဒီနေ့အတွက်ကတော့ 2013 ခုနှစ်က ထွက်ရှိထားတဲ့ Romance/Scifi ရုပ်ရှင်လေးတစ်ခုကိုပြောပြချင်ပါတယ်။ဒီရုပ်ရှင်က မင်းသား Joaquin Phoenix ကသရုပ်ဆောင်ထားပြီး မင်းသမီးအနေနဲ့ Scarlett Johansson ကသရုပ်ဆောင်ထားပြီး Oscar ဆုတွေအပြင် ဆုတွေလည်းရရှိထားတဲ့ ရုပ်ရှင်ဖြစ်ပါတယ်။
ဇာတ်လမ်းကတော့ အိမ်ထောင်ကွဲထားတဲ့ Theodore က စာရေးသမားတစ်ယောက်ဖြစ်ပြီး အထီးကျန်နေတဲ့လူတစ်ယောက်ဆိုလည်းမမှားပါဘူး။နည်းပညာတိုးတက်နေတဲ့ခေတ်မှာဆိုတော့ အဲ့ဒီအချိန်မှာ OS1 ဆိုတဲ့ အဖော်ပြု AI စက်ရုပ်ရိုဘော့စ်မလေး တွေကို ကုမဏ္ဍီတစ်ခုက ကြော်ငြာလိုက်ပါတယ်။အဖော်ပြုပေးမယ့် ဒီစက်ရုပ်လေးတွေက Theodore ရဲ့ အထီးကျန်မှုရဲ့ဖြေရှင်းပေးမယ့် အဖြေတစ်ခုဖြစ်လာခဲ့ပါတယ်။ဒီလိုနဲ့ စက်ရုပ်မလေးနဲ့အတူ Theodore ရဲ့ဘ၀ကြီးက အရင်ကထပ် စိုပြေလာခဲ့ပြီး အချိန်တွေကြာလာတဲ့အချိန်မှာတော့ Theodore ရဲ့အချစ်တွေကပါနိုးထလာခဲ့ပါတယ်။ဒါပေမယ့်လည်း ချစ်ခြင်းမေတ္တာကို နားမလည်တဲ့ စက်ရုပ် နှင့် လူသားဆိုတာ ပေါင်းဖက်ကြဖို့ဆိုတာ ဖြစ်နိုင်ပေါ့မလား... ဆိုတာကိုတော့ ဒီရုပ်ရှင်ထဲမှာ ကြည့်ရှုရမှာဖြစ်ပါတယ်။
ဒီရုပ်ရှင်ကတော့ ချစ်ခြင်းမေတ္တာရဲ့ အလှတရားကို လှလှပပ‌ပုံဖော်ပြသထားပြီး အော်စကာ ဆုလေးဆုအထိ ရရှိထားတဲ့ရုပ်ရှင်တစ်ခုဖြစ်ပါတယ်။ဒီလိုဆုတွေရ‌ထားတဲ့ ရုပ်ရှင်ဆိုတော့ မကောင်းမှာ စိတ်ပူစရာမလိုတော့တဲ့အတွက် “Her(2013)”ကိုကြည့်ရှုဖို့တိုက်တွန်းလိုက်ပါတယ်ခင်ဗျာ။