၁။ ဝင်ငွေကို ၃ ပိုင်းခွဲပြီး "၅ဝ-၃ဝ-၂ဝ စည်းမျဉ်း" အတိုင်းစီမံပါ။
- ၅ဝ% – အခြေခံလိုအပ်ချက်များ (အိမ်စရိတ်၊ အစားအသောက်၊ ကျန်းမာရေး)
- ၃ဝ% – စိတ်ကျေနပ်မှုအတွက် (ခရီးသွား၊ ဝယ်ချင်တဲ့ပစ္စည်း)
- ၂ဝ% – စုဆောင်းငွေ (အရေးပေါ်ဘဏ်အကောင့်၊ ရင်းနှီးမြှုပ်နှံမှု)
၂။ တကယ်လိုအပ်နေတာနဲ့ လိုချင်နေတာကို သေချာခွဲခြားသိပါ။
- "Need" (လိုအပ်တာ) – အသက်ရှင်ဖို့အတွက် မဖြစ်မနေလိုအပ်တဲ့အရာ (ဥပမာ – စားဝတ်နေရေး)
- "Want" (လိုချင်တာ) – မရှိလည်း ရပ်တည်နိုင်တဲ့အရာ (ဥပမာ – အပန်းဖြေခရီး)
"Want" ကို လျှော့ပြီး "Need" ကို ဦးစားပေးပါ။
၃။ အိမ်သုံးငွေစာရင်း ပြုစုပါ။
လစဉ်ဝင်ငွေ၊ ကုန်ကျစရိတ်တွေကို ရေးမှတ်ပါ။ ငွေကုန်ကြေးကျ App (သို့) Excel Sheet သုံးပြီး စနစ် တကျ စောင့်ကြည့်ပါ။
၄။ အလွယ်တကူထုတ်လို့မရတဲ့ စုငွေအကောင့်ဖွင့်ပါ။
ဘဏ်မှာ Fixed Deposit (FD) အကောင့် ဖွင့်ထားပါ။ Digital Wallet (သို့) ငွေစုအတွက် အထူး အကောင့်သုံးပါ။
၅။ အသေးစားငွေစုနည်းကို သုံးပါ။
တစ်နေ့ကို ၁ဝဝဝ ကျပ်စုရင် တစ်လမှာ ၃ဝ,ဝဝဝ ကျပ်၊ တစ်နှစ် မှာ ၃၆၅,ဝဝဝ ကျပ်ရမယ်။ ပြီးတော့ စျေးဝယ်ပြီး အမ်းလာတဲ့အကြွေတွေကို ထည့်စုတာလည်း ရေရှည်မှာ ခရီးရောက်ပါတယ်။
၆။ အရေးပေါ်ငွေကြေးဘဏ်အကောင့်ဖွင့်ပါ။
အနည်းဆုံး ဝင်ငွေ (၃-၆ လ) စာလောက် သီးသန့်စုထားပါ။ ဒါမှ မမျှော်လင့်တဲ့အခြေအနေ (ဥပမာ – အလုပ်ပြုတ်ခြင်း၊ ကျန်းမာရေးအရေးပေါ်) အတွက် အဆင်ပြေမယ်။
၇။ အလိုအလျောက်ငွေစုစနစ်ကို ဖန်တီးပါ။
ဘဏ်မှာ Auto-Debit သတ်မှတ်ပြီး လစဉ်ဝင်ငွေထဲက အနည်းဆုံး ၁၀% ကို အလိုအလျောက်စုခိုင်းပါ။
၈။ အပိုဝင်ငွေကို စုဆောင်းပါ။
အလုပ်တိုး Bonus၊ လက်ဆောင်ငွေ၊ အိမ်ခြံမြေငှားရမ်းခြင်း စတဲ့ အပိုဝင်ငွေတွေကို ချက်ချင်းမသုံးဘဲ စု ထားပါ။
၉။ အသုံးအဖြုန်းကို စိစစ်ပါ။
" ဒါအရာက ငါ့အတွက် တကယ်လိုအပ်လား" လို့ ကိုယ့်ကိုယ်ကိုယ် မေးပါ။ စျေးဝယ်စာရင်းလုပ်ပြီးမှ ဈေးဝယ် ထွက်ပါ။
၁ဝ။ ငွေကို အသေမထားဘဲ ရင်းနှီးမြှုပ်နှံမှုလုပ်ပါ။
စုဆောင်းထားတဲ့ငွေကို အန္တရာယ်နည်းတဲ့ ရင်းနှီးမြှုပ်နှံမှု (ဥပမာ – ရွှေ၊ ဘဏ်အတိုး၊ အစုရှယ်ယာ) လုပ် ပါ။ ငွေကို ငွေပြန်ရှာခိုင်းပါ။
ပိုက်ဆံစုတယ်ဆိုတာ စည်းကမ်းရှိရှိနဲ့ ရေရှည်စီမံကိန်းချမှတ်ရတဲ့ အလေ့အကျင့်တစ်ခုဖြစ်ပါတယ်။ အပေါ်မှာဖော်ပြခဲ့တဲ့ နည်းလမ်းတွေထဲက ကိုယ်နဲ့ကိုက်ညီမယ့်နည်းလမ်းကိုရွေးပြီး ရေရှည်စီမံကိန်းနဲ့ ထိထိ ရောက်ရောက်ငွေစုနိုင်ကြပါစေ။
#gandawinfinance
#gandawinmagazine
#finance
#gandawin
