#ပြည်တွင်းသတင်း
◼ ပြည်တွင်း၌စက်သုံးဆီပြတ်လပ်နိုင်ခြင်းမရှိ၊ ဈေးနှုန်းဆက်လက်မြင့်တက်ဖို့သာရှိဟုဆို
ပြည်တွင်းစက်သုံးဆီဈေးနှုန်းထပ်မံမြင့်တက်လာသော်လည်း စက်သုံးဆီပြတ်လပ်နိုင်ခြင်းမရှိဘဲ ဈေးနှုန်ဆက်လက်မြင့်တက်ဖို့သာရှိကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တာဝန်ရှိသူတစ်ဦးကပြောသည်။
ယခုတစ်ပတ်အတွင်း အာရှပစိဖိတ်ဒေသအတွင်း စက်သုံးဆီဈေးနှုန်းများတစ်စည်လျှင် ၁၀ ဒေါ်လာမှ ၁၅ ဒေါ်လာခန့်အထိမြင့်တက်ခဲ့ခြင်းကြောင့် ပြည်တွင်းစက်သုံးဆီဈေးနှုန်းများမြင့်တက်ခဲ့ကြောင်း၊ ဈေးနှုန်းမြင့်တက်သော်လည်း စက်သုံးဆီအလုံအလောက်ရှိသဖြင့် ပြတ်လပ်မှုမရှိဘဲ လွယ်ကူစွာဝယ်ယူနိုင်ကြောင်း ၎င်းကပြောသည်။
"ကမ္ဘာ့ရေနံစျေးတက်ရင်တော့ပြည်တွင်းမှာလည်းစက်သုံးဆီစျေးတက်မှာပဲ။
လက်ရှိအချိန်ထိတော့ ဝယ်လို့ရအောင်ထိန်းပေးနေပါတယ်။ ဆီကတော့မပြတ်ပါဘူး။ အခုလည်း ကျွန်တော်တို့လက်ထဲမှာ နှစ်ပတ်စာတောင်ဆီအရန်ရှိပါတယ်။ ဆီပြတ်ဖို့အတွက်တော့စိုးရိမ်စရမရှိပါဘူး။ ဒါပေမယ့် စျေးကတော့ဆက်တက်လာဖို့တော့ရှိပါတယ်" ဟု စက်သုံးဆီတင်သွင်းသိုလှောင်
ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တာဝန်ရှိသူတစ်ဦးက ပြောသည်။
ရန်ကုန်မြို့၌ယခုလဇွန် ၂၆ ရက်အထိ စက်သုံးဆီလက်လီရည်ညွှန်းဈေးနှုန်းမှာ 92 တစ်လီတာ ၂၉၆၀ ကျပ်၊ 95 တစ်လီတာ ၃၀၃၀ ကျပ်၊ ဒီဇယ်တစ်လီတာ ၃၁၀၀ ကျပ်ရှိပြီး ဇွန် ၂၇ ရက်မှစ၍ ယနေ့အထိ ထုတ်ပြန်ထားသည့် စက်သုံးဆီရည်ညွှန်းဈေးနှုန်းများမှာ 92 တစ်လီတာ ၃၁၄၀ ကျပ်၊ 95 တစ်လီတာ ၃၂၁၀ ကျပ်၊ ဒီဇယ်တစ်လီတာ ၃၃၈၅ ကျပ်အထိမြင့်တက်ခဲ့ကြောင်းသိရသည်။
သတင်း - ပိုင်လေး
