"Rubin Observatory ရဲ့ ပထမဆုံးသော စကြဝဠာရတနာများ"
ဒီရင်သပ်ရှုမောဖွယ်ပုံတွေဟာ Rubin Observatory က နောက်ထပ် ဆယ်စုနှစ်အတွင်း ကျွန်တော်တို့ကို ပေးစွမ်းမယ့် စကြဝဠာရတနာများစွာထဲက ပထမဆုံးဓာတ်ပုံဖြစ်ပါတယ်။
မူရင်းပုံက size အားဖြင့် ၂၁.၈ GB ရှိတာမို့ page မှာတင်ဖို့ခက်ခဲပါတယ်။ ဒါပေမယ့် ကျွန်တော်တို့ MASES page က ဒီCosmic treasure ထဲကမှ စိတ်ဝင်စားဖွယ်ကောင်းတဲ့ အရာတွေကို ကောက်နှုတ်ပြသချင်ပါတယ်။
တစ်ခုမှတ်ထားရမှာက ဒီပုံတွေဟာ Rubin observatory ကရိုက်ကူးခဲ့တဲ့ ဓာတ်ပုံတစ်ပုံ ထဲက အစိတ်အပိုင်းလေးတွေဖြစ်ပါတယ်။နောက်ပြီးဒီဓာတ်ပုံဟာ မိုးကောင်းကင် အာကာသ ကြီးရဲ့ သေးငယ်တဲ့ အစိတ်အပိုင်းလေးတစ်ခုကို ရိုက်ယူထားတာဖြစ်တယ် ဆိုတာကိုပါ။
ဒီပုံအတွက် လေ့လာစူးစမ်းခဲ့တဲ့ ဧရိယာထဲမှာ ဗာဂို ကြယ်အစုအဝေး (Virgo Cluster) ရဲ့ တောင်ပိုင်းဒေသလည်း ပါဝင်ပါတယ်။ ဒီကြယ်အစုအဝေးက ကမ္ဘာကနေ အလင်းနှစ် ၅၅ သန်းလောက် ဝေးပြီး ဗာဂို ကြယ်စု (constellation Virgo) ရဲ့ ဦးတည်ရာဘက်မှာ ရှိပါတယ်။ ဒါ့အပြင် ကျွန်တော်တို့နဲ့ ပိုနီးတဲ့ နဂါးငွေ့တန်းဂလက်ဆီ (Milky Way) ထဲက ကြယ်တွေ၊ ပြီးတော့ ပိုဝေးတဲ့ အနီရောင်ဂလက်ဆီအုပ်စု (distant red galaxy groups) တွေလို အရာဝတ္ထုတွေကိုပါ ဒီပုံထဲမှာ တွေ့ရပါတယ်။
Rubin Observatory ရဲ့ ပထမဆုံး လေ့လာမှုတွေထဲက ထူးခြားတဲ့ အရာအချို့ကို ဒီမှာ မီးမောင်းထိုးပြထားတာကိုပဲ ခဏလောက် လေ့လာကြည့်ကြရအောင်လို့ ဖိတ်ခေါ်ပါတယ်။
ဗာဂို ကြယ်အစုအဝေး (Virgo Cluster)
ဒီလှပပြီး ကြီးထွားဆဲ ဂလက်ဆီအစုအဝေးကြီးဟာ ဂလက်ဆီပေါင်း ထောင်ကျော်ရဲ့ အိမ်ဖြစ်ပါတယ်။ ခရုပတ်ပုံစံလှလှလေးတွေကစလို့ ကြီးမားတဲ့ ဘဲဥပုံဂလက်ဆီတွေ၊ မှိန်ဖျော့တဲ့ ဂလက်ဆီပုလေးတွေအထိ အကုန်လုံး ဒီထဲမှာ ပါဝင်ပါတယ်။ သူ့ရဲ့ကြီးမားတဲ့ အရွယ်အစား၊ ဂလက်ဆီအမျိုးအစားစုံလင်မှုနဲ့ ကျွန်တော်တို့နဲ့ အတော်လေး နီးကပ်တဲ့အတွက် ဗာဂို ကြယ်အစုအဝေးက ဂလက်ဆီအစုအဝေးတွေဆိုတာ ဘာလဲ၊ ဘယ်လို ပြောင်းလဲကြီးထွားလာတယ်၊ ပြီးတော့ စကြဝဠာအချိန်တစ်လျှောက်လုံး ဘယ်လိုဆက်ပြီး ကြီးထွားလာတယ်ဆိုတာကို ကျွန်တော်တို့ကို လေ့လာ ကြည့်ရှုခွင့်ပေးနေတာပါ။