သက်ရှည်ကျန်းမာရေးရဲ့ အဓိကသော့ချက် သို့မဟုတ်( သင်ဘယ်လိုလှုပ်ရှားနေလဲ။)
သင့်နှလုံးခုန်နှုန်း၊ ကိုယ်အလေးချိန်တွေကို ခဏမေ့ထားလိုက်ပါ။ တကယ့်သက်ရှည်ကျန်းမာရေးရဲ့ လျှို့ဝှက်ချက်က သင်နေ့စဉ်ဘဝမှာ ဘယ်လိုလှုပ်ရှားနေလဲဆိုတာနဲ့ ပိုပြီးသက်ဆိုင်ပါတယ်။ ခန္ဓာကိုယ်ရဲ့ သဘာဝလှုပ်ရှားမှုပုံစံတွေက သင့်ရဲ့သက်တမ်းနဲ့ ကျန်းမာပျော်ရွှင်တဲ့ဘဝကို ကြီးမားစွာ ခန့်မှန်းပေးနိုင်ပါတယ်။
အသက်ရှည်ခြင်းကို ခန့်မှန်းပေးနိုင်သော လှုပ်ရှားမှုပုံစံ (၅) မျိုး
ဒီလှုပ်ရှားမှုတွေက သင့်ရဲ့ခန္ဓာကိုယ် ကြံ့ခိုင်မှု၊ ဟန်ချက်ညီမှုနဲ့ လှုပ်ရှားနိုင်စွမ်းကို ဖော်ပြနေပါတယ်။
၁။ ထိုင်ထ (Squat)
အပြည့်အဝ ထိုင်ထလုပ်နိုင်စွမ်းက သင့်ရဲ့ခြေထောက်၊ တင်ပါးနဲ့ နောက်ကျောအောက်ပိုင်း ကြွက်သားတွေရဲ့ သန်မာမှုနဲ့ လိုက်လျောညီထွေမှုကို ပြသပါတယ်။
၂။ တွဲလျောင်းခိုနိုင်စွမ်း(Hang)
လက်နှစ်ဖက်နဲ့ တွဲလဲနေနိုင်ခြင်းက လက်မောင်း၊ ပခုံးနဲ့ ကိုယ်လုံးရဲ့ ကြံ့ခိုင်မှုကို ပြသပြီး၊ ကျောရိုးကျန်းမာရေးအတွက်လည်း အရေးကြီးပါတယ်။
၃။ ကြမ်းပြင်မှ ထိုင်/ထခြင်း (Floor Transitions)
အကူအညီမပါဘဲ ကြမ်းပြင်ကနေ ထိုင်၊ ထနိုင်စွမ်းက ခန္ဓာကိုယ်ရဲ့ ပေါင်းစပ်လှုပ်ရှားမှု၊ ဟန်ချက်ညီမှုနဲ့ ကြွက်သားထိန်းချုပ်နိုင်စွမ်းကို ဖော်ပြပါတယ်။
၄။ အလေးကိုင်ပီး လမ်းလျှောက်ခြင်း (Loaded Carries)
အလေးတစ်ခုခုကို သယ်ပိုးပြီး လမ်းလျှောက်နိုင်တာက ကိုယ်ခံအား၊ ကိုယ်လုံးတည်ငြိမ်မှုနဲ့ ခံနိုင်ရည်အားကို မြှင့်တင်ပေးပါတယ်။
၅။ ခန္ဓာကိုယ်တစ်ခြမ်းချင်းစီ၏ ကြံ့ခိုင်မှု/တည်ငြိမ်မှု (Unilateral Strength/Stability)
ခြေထောက်တစ်ဖက်တည်းနဲ့ ရပ်တာ၊ လမ်းလျှောက်တာလို လှုပ်ရှားမှုတွေက ဟန်ချက်ညီမှုနဲ့ ကိုယ်ခန္ဓာရဲ့ အစိတ်အပိုင်းတစ်ခုချင်းစီရဲ့ ကြံ့ခိုင်မှုကို ပြသပါတယ်။
ဒီလှုပ်ရှားမှုတွေကို လေ့ကျင့်ပေးခြင်းဖြင့် သင်ဟာ ကျန်းမာပြီး တက်ကြွတဲ့ဘဝကို ပိုပြီးကြာကြာပိုင်ဆိုင်နိုင်မှာပါ။ ဒီလှုပ်ရှားမှုတွေထဲက ဘယ်ဟာကို သင်မလေ့ကျင့်ဖြစ်သေး
ဘူးလဲဆိုတာဆန်းစစ်ကြည့်ပါ။ကျန်းမာကြပါစေ။