နေအဖွဲ့အစည်းအတွင်း အမြင့်ဆုံးတောင်ဟာ
မားစ်ဂြိုဟ်ပေါ်က အိုလံပစ်မွန်း တောင်ပါ။ အမြင့်အားဖြင့် ၂၂ ကီလိုမီတာ မြင့်ပါတယ်။ အများသိကြတဲ့
ကမ္ဘာ့အမြင့်ဆုံးတောင် ဧဝရက်ရဲ့ အမြင့်ကတော့ ၈.၈ ကီလိုမီတာပါ။
(ထပ်တိုး) -
မားစ်ဂြိုဟ်မှာ တောင်ရဲ့အမြင့်ကို ဘယ်လိုတိုင်းလဲ။
မားစ်ဂြိုဟ်လေ့လာရေး အာကာသယာဉ်မှာ ထည့်ပေးလိုက်တဲ့ Laser Altimeter ဆိုတဲ့ စက်နဲ့ တိုင်းပါတယ်။
မြင်ရတဲ့ အခြေကနေ ထိပ်ထိ တိုင်းမယ်ဆိုရင် ၂၇ ကီလိုမီတာ လောက် ရှိသွားမှာပါ။ ဒါပေမဲ့ ကမ္ဘာက စံသတ်မှတ်ချက်နဲ့ အဲ့လို ယူလို့ မရပါဘူး။ မျက်နှာပြင်အလွှာတွေကို တိုင်းတဲ့အခါ သုံးတဲ့ တခြားနည်းတွေထဲက atmospheric pressure ကို ယူပါတယ်။ zero datum point ကို setup လုပ်ပါတယ်။ အိုလံပစ်မွန်းဟာ မားစ်ပေါ်က အမေဇိုနစ်မျက်နှာပြင်ပေါ်မှာ ရှိနေတာပါ။ (ကမ္ဘာပေါ်က အိုင်စ်လန် နဲ့ ဖွဲ့စည်းပုံချင်း တူပါတယ်) သူ့ရဲ့ အောက်မှတ်ဟာ Zero Datum ရဲ့ အောက် ၄.၅ ကီလိုမီတာ ဖြစ်ပါတယ်။
မားစ်မှာရှိနေတာ ဒီတောင်တလုံးတည်း မဟုတ်ပါဘူး။တခြားတောင်တွေလည်း ရှိသလို ဧဝရက်ထက် မြင့်တဲ့တောင် နောက်ထပ် ၂ လုံး ရှိပါသေးတယ်။ ခုက နေအဖွဲ့အစည်းထဲ အကြီးဆုံးကို ပြောနေတာမို့ ကျန်တာ ထည့်မပြောတာပါ။ မားစ်မှာ အနိမ့်ဆုံးနေရာက ဟယ်လာ ချိုင့်ဖြစ်ပြီး Datum အောက် ၇.၂ ကီလိုမီတာ နိမ့်ပါတယ်။