Nova V462 Lupi ကို ဘယ်လိုရှာဖွေကြည့်ရှုနိုင်မလဲ?

မြန်မာနိုင်ငံကနေ Nova V462 Lupi ကို ကြည့်ရှုဖို့အတွက် Lupus (ဝံပုလွေ) ကြယ်တာရာစု ကို ရှာဖွေရမှာပါ။ ဒီ Nova ဟာ Lupus ကြယ်တာရာစုထဲက Eta Lupi ကြယ်ရဲ့ အနောက်တောင်ဘက်နား မှာ တည်ရှိပါတယ်။

ရန်ကုန် မြို့တွင်းလို light pollution များတဲ့ နေရာတွေကနေတော့ ဒီကြယ်ကို မြင်တွေ့ဖို့ နည်းနည်းခဲယဉ်းပါလိမ့်မယ်။

ညကောင်းကင်ကို ကြည့်ရှုမယ့်နေရာ ရောက်ရင် အနည်းဆုံး ၁၅-၂၀ မိနစ်ခန့် မျက်လုံးကို အမှောင်နဲ့ အသားကျအောင် ထားပါ။ ဖုန်း၊ တက်ဘလက်စတဲ့ အလင်းရောင်ရှိတဲ့ ပစ္စည်းတွေကို မကြည့်မိထားတာပိုကောင်းပါတယ်။

ဘယ်အချိန်ကြည့်ရမလဲ? ညသန်းခေါင်ကျော်၊ မိုးမလင်းခင်အချိန်တွေဟာ အမှောင်ဆုံးဖြစ်လို့ ကြည့်ရှုဖို့ ပိုသင့်တော်ပါတယ်။ လက်ရှိအချိန် (ဇွန်လ) မှာတော့ ဇွန်လကုန်လောက်အထိ မြင်ရနိုင်ပါသေးတယ်။

Nova ကို ရှာဖွေခြင်း

Lupus ကြယ်တာရာကို အရင်ရှာရပါမယ်။ Lupus ကြယ်တာရာစုဟာ ကောင်းကင်ယံ တောင်ဘက်ခြမ်း မှာရှိပြီး၊ ထင်ရှားတဲ့ Scorpius နဲ့ Centaurus ကြယ်တာရာစုတွေကြားမှာ တည်ရှိပါတယ်။

ညကောင်းကင် တောင်ဘက်ခြမ်းမှာ ကင်းမြီးကောက်ပုံစံရှိတဲ့ Scorpius ကို ရှာပါ။ သူ့ရဲ့ အလယ်ဗဟိုမှာ အနီရောင် တောက်ပတဲ့ Antares (အန်တာရိစ်) ကြယ်ကို တွေ့ရပါလိမ့်မယ်။

Lupus ကို ဆက်ရှာကြည့်ပါ။Scorpius ရဲ့ အနောက်ဘက် (ညာဘက်) နားကို ကြည့်ပါ။ အဲဒီနားမှာပဲ Lupus ကြယ်တာရာစုကို ကြယ်လေးငါးလုံးလောက် ပုံစံတစ်ခုနဲ့ တွေ့ရပါလိမ့်မယ်။

Eta Lupi ကြယ်ကို ရှာပါ: Lupus ကြယ်တာရာစုထဲမှာ အလယ်အလတ် တောက်ပတဲ့ Eta Lupi (အီတာ လူပီ) ဆိုတဲ့ ကြယ်ကို ရှာပါ။

အနောက်တောင်ဘက်သို့ ကြည့်ပါ: Nova V462 Lupi ဟာ Eta Lupi ကြယ်ရဲ့ အနောက်တောင်ဘက် (Southwest) နားမှာ တည်ရှိပါတယ်။ သေသေချာချာ စူးစမ်းရှာဖွေဖို့ လိုအပ်ပါတယ်။

STARTRACKER / STELLARIUM app သုံးပြီးတော့ရှာကြည့်မယ်ဆိုလည်းရပါတယ်။ကျွန်တော်ကတော့ app မသုံးပဲ အလွတ်ရှာကြည့်တတ်အောင်ပါရေးထားပါတယ်။

ဘာနဲ့ကြည့်ရမလဲ?

မျက်စိအမြင်အာရုံ အလွန်ကောင်းမွန်သူတွေအတွက်ဆို မှောင်မိုက်တဲ့နေရာတွေမှာ မျက်စိနဲ့ တိုက်ရိုက်မြင်နိုင်ပါတယ်။

မှန်ပြောင်း (Binoculars) သုံးပြီး ကြည့်မယ်ဆိုရင်တော့ ပိုပြီး ရှင်းလင်းစွာ မြင်တွေ့ရမှာဖြစ်ပြီး ရှာဖွေရတာလည်း ပိုလွယ်ကူပါလိမ့်မယ်။ တယ်လီစကုပ်အသေးစားတွေနဲ့လည်း ကြည့်ရှုနိုင်ပါတယ်