Summer Solstice သို့ မြောက်ကမ္ဘာခြမ်း နွေရာသီအစ
Summer solstuce (ဥတ္တရယဉ်စွန်းချိန် ) ဆိုတာဟာ နက္ခတ္တသိပ္ပံ ဆိုင်ရာ ဖြစ်စဉ်တစ်ခုဖြစ်ပြီး နေ့တာအရှည်ဆုံးနဲ့ ညတာအတိုဆုံးရက် ဖြစ်ပေါ်ချိန်ကို သတ်မှတ်တာဖြစ်ပါတယ်။
ကမ္ဘာဟာ မိမိဝင်ရိုးပေါ်မှာ ၂၃.၅ ဒီဂရီ အစဉ်အမြဲ တိမ်းစောင်းပြီး ၂၄ နာရီလျှင် တစ်ပါတ်နှုန်းနဲ့ လည်ပတ်နေတာ ဖြစ်ပါတယ်။ အဲဒီလို တိမ်းစောင်းလျက်အတိုင်း နေကို ပျမ်းမျှ ၃၆၅ ရက်လျှင် တစ်ပါတ်နှုန်း လှည့်ပတ်နေပါသေးတယ်။ ထိုအခါမှာ ကမ္ဘာရဲ့ တိမ်းစောင်းနေမှုကြောင့် ကမ္ဘာ့နေရာများမှာ နေရောင်ခြည်ရရှိမှု ပုံစံ၊ အချိန်တို့ ကွာခြားခြင်းတွေ ဖြစ်လာပါတော့တယ်။ နေကို လှည့်ပတ်နေပြီး သူ့ရဲ့ဝင်ရိုးတစ်ဖက်ဟာ နေရဲ့ အနီးဆုံးကိုရောက်ရှိတဲ့နေ့ကို ယဉ်စွန်းချိန်လို့ ခေါ်ဆိုသတ်မှတ်ပါတယ်
ဇွန်ယဉ်စွန်းချိန် သို့မဟုတ် မြောက်ယဉ်စွန်းချိန် သို့မဟုတ် နွေယဉ်စွန်းချိန်ဟု ခေါ်တဲ့ ဥတ္တရယဉ်စွန်းချိန် (June Solstice) ဟာနှစ်စဉ် ဇွန်လ (၂၀) ရက်နှင့် (၂၂) ရက်နေ့အကြား ဖြစ်ပေါ်လေ့ရှိပြီး ဒီရက်တွေမှာ နေရောင်ခြည်ဟာ မြောက်အရပ်ကို အမြင့်ဆုံးတက်လာကာ မြောက်ယဉ်စွန်းတန်းသို့ တည့်မတ်စွာဖြင့် ကျရောက်ပါတယ်။ အာတိတ်စက်ဝိုင်း (မြောက်ဝင်ရိုးစွန်းဒေသ)တစ်ခုလုံးဟာ နေဘက်သို့ တိမ်းစောင်းနေပြီး ၂၄ နာရီပတ်လုံးနီးပါး နေ့ အချိန့်ဖြစ်လို့နေပါတယ်။ တကယ်တော့.. အီကွေတာ (၀ ဒီဂရီ) ကနေ မြောက်ဘက်ကို လတ္တီကျူ့ မြင့်တက်လာတိုင်း နေ့တာ (နေ့အချိန်) ပိုရှည်လာတာပါ။ မြောက်လတ္တီတွဒ် ၁၀ မှ ၃၀ အကြားရှိတဲ့ ကျနော်တို့ မြန်မာနိုင်ငံမှာလည်း ဇွန်လရောက်ပြီဆိုလျှင် နံနက် ၅:၃၀ လောက်မှာ နေထွက်ပြီး ညနေ ၆:၄၀ လောက်မှ နေဝင်တာဖြစ်ပါတယ်။
ဒီဖြစ်စဉ်ဟာ တစ်နှစ်မှာ နှစ်ကြိမ်ဖြစ်ပေါ်ပြီး ကမ္ဘာ့တောင်ဘက်ခြမ်းမှာ တစ်ကြိမ်နဲ့ ကမ္ဘာ့မြောက်ဘက်ခြမ်းမှာ တစ်ကြိမ် ဖြစ်ပေါ်ပါတယ်။ ဇွန်လ ၂၀ ရက်နဲ့ ၂၁ ရက်နေ့ဟာ ကမ္ဘာ့မြောက်ဘက်ခြမ်းဒေသတွေအတွက် နေ့တာအရှည်ဆုံး ညတာအတိုဆုံး နေကြာချိန်ဖြစ်ပြီး ကမ္ဘာ့တောင်ဘက်ခြမ်းဒေသတွေအတွက် ပြောင်းပြန် နေ့တာအတိုဆုံးနဲ့ ညတာအရှည်ဆုံး ဖြစ်ပါတယ်။ ကမ္ဘာ့မြောက်ခြမ်းမှာ နွေရာသီစတင်ဝင်ရောက်ချိန် ဖြစ်ပြီး တောင်ဘက်ခြမ်းမှာ ဆောင်းရာသီကာလ စတင်ချိန်ဖြစ်ပါတယ်။
Summer solstices ချိန်ကို ရှေးခေတ်ထဲက နိုင်ငံအလိုက် သူ့ယဉ်ကျေးမှုနဲ့ လိုက်ဖက်ညီစွာ ကျင်းပခဲ့ကြတာဖြစ်ပါတယ်။
၂၀၂၅ ခုနှစ်အတွက် မြန်မာနိုင်ငံအပါအဝင် မြောက်ကမ္ဘာခြမ်းက နိုင်ငံတွေအတွက် ဟာ ဇွန်လ ၂၁ ရက်နေ့ မြန်မာစံတော်ချိန် မနက် ၉ နာရီ ၁၂ မိနစ်မှာ ကျရောက်မှာဖြစ်ပြီး ဇွန်လ ၂၁ ရက်နေ့ဟာ နေ့တာအရှည်ဆုံးနဲ့ ညတာအတိုဆုံးနေ့ ဖြစ်မှာပါ။ နောက်ရက်တွေမှာတော့ တဖြည်းဖြည်း နေ့တာပြန်တိုလာကာ Winter Solstice ခေါ် ဒက္ခိဏယဉ်စွန်းချိန်မှာ နေ့တာအတိုဆုံး ညတာအရှည်ဆုံးနေ့ကို တစ်ပတ်ပြန်လည်ရောက်ရှိသွားမှာဖြစ်ပါတယ်။
