▶ဇွန်လ ၁၈ ရက်နေ့အတွက် ထုတ်ပြန်တဲ့ ဗဟိုဘဏ်ရဲ့ နိုင်ငံခြားငွေရောင်းချမှုဈေးကွက်
▶CMP ကုမ္ပဏီတွေဆီက ဝယ်ယူထားတဲ့ နိုင်ငံခြားငွေတွေထဲက အမေရိကန်ဒေါ်လာ ၁.၆၈၁ သန်းကျော်ကို မြန်မာနိုင်ငံတော်ဗဟိုဘဏ်က ဇွန်လ ၁၈ ရက်နေ့မှာ စားသုံးဆီတင်သွင်းတဲ့ ကုမ္ပဏီတွေထံ ထုတ်ရောင်းပေးခဲ့ပါတယ်။
▶FX Trading မှာ ဗဟိုဘဏ်မှ ရောင်းချပေးမယ်လို့ ကြေညာထားတဲ့ အမေရိကန်ဒေါ်လာ ၁၀ သန်းထဲက ၁.၀၀၄ သန်းကျော်ကို အခြားကုန်စည်တွေ တင်သွင်းတဲ့ ကုမ္ပဏီတွေထံ ရောင်းချပေးခဲ့တယ်လို့ ဆိုပါတယ်။
▶ထိုနေ့တစ်ရက်တည်းမှာ AD လိုင်စင်ရဘဏ်တွေနဲ့ လုပ်ငန်းရှင်တွေအကြား အမေရိကန်ဒေါ်လာ ၁၀.၅၁၃ သန်းကျော်၊ တရုတ်ယွမ် ၁.၇၉၆ သန်းကျော်နဲ့ ထိုင်းဘတ် ၇၆.၅၈၅ သန်းကျော်အလွှဲအပြောင်းရှိခဲ့ပါတယ်။
▶ဒါ့အပြင် အိန္ဒိရူပီးငွေ ခုနှစ်သိန်းငါးသောင်းလေးထောင်ကျော်လည်း လွှဲပြောင်းမှုရှိခဲ့ပါတယ်။
▶ဗဟိုဘဏ်အနေနဲ့ ဇွန်လ ၁၈ ရက်နေ့၊ FX Trading Platform မှာတော့ အမေရိကန်ဒေါ်လာငွေလဲနှုန်းကို ၃,၆၁၅ ကျပ် သတ်မှတ်ရောင်းဝယ်ခဲ့ပါတယ်။
