#ကောက်ညှင်းပြန်ပေါင်းအလွယ်ပေါင်းနည်း
ထမင်းပေါင်းအိုးနဲ့ပေါင်းတဲ့ကောက်ညှင်းပြန်ပေါင်း အိမ်မှာမနက်စာအလွယ်တကူလုပ်စားလို့ရပါတယ်
“ချက်ချင်းစားချင်လိုကောက်ညှင်းကိုရေလည်းကြိုမစိမ်လိုက်ရပါဘူးရှင်”
ပြုလုပ်ပုံ
-ကောက်ညှင်းပေါင်းအိုးဆန်ချိန်ခွက်နှစ်ခွက်ရေကြည်အောင်သုံးလေးထပ်ဆေးပြီး ရေကိုဆန်နဲ့အပေါ်လက်ဆစ်တဝက်လျော့လျော့လေးထည့်ပါတယ်
-ကောက်ညှင်းဆန်အပေါ်မူတည်ပြီးရေကအနည်းငယ်ကွာနိုင်ပေမဲ့ ဒီလောက်ပဲထည့်ပါရှင်
အုန်းနို့ထည့်တဲ့အချိန် ကောက်ညှင်းကမာနေရင်ရေလေးထပ်ထည့်လို့ရပါတယ် (ရေများသွားရင်ပျော့ပြီးစားမကောင်းတော့ပါဘူး)
-ဆီတဇွန်းထည့်ပြီးထမင်းချက်နေကျလိုချက်ထားလိုက်ပါငါးမိနစ်လောက်နေရင်ရေခမ်းလာရင်ဖွင့်ပြီး အုန်းနို့ပေါင်းအိုးဆန်ချိန်ခွက်တခွက်၊သကြားနှစ်ဇွန်း၊ဆားအနည်းငယ်နဲ့
အုန်းသီး ခြစ်ထားတဲ့အဖတ်ထည့်ပေးပြီးသမအောင်မွှေပေးလိုက်ပါ
-ထမင်းပေါင်းအိုးခလုပ်ချပြီးပြန်နှပ်ထားပါ
ဆယ်မိနစ်လောက်ကြာရင်တခါဖွင့်ကြည့်ပြီးအထက်အောက်လေးလှန်မွှေပေးပါ
ပြီးရင်ခလုပ်နောက်တခါထပ်ချလိုက်ပါတယ်
ခလုပ်အပေါ်တတ်သွားရင်လေမထွက်အောင်လေလုံအောင်အဝတ်တခုနဲ့ဒီလိုလေးအုပ်ထားလိုက်ပါ
-ဆယ့်ငါးမိနစ်လောက်ကြာမှဖွင့်ကြည့်ရင်ဒီလိုကောက်ညှင်းပြန်ပေါင်းစင်းစင်းအိအိလေး ရပါပြီရှင်😋
