🍁တရားကိုရအောင် မရှာပါနဲ့။ 🍁
🌹တရားနဲ့အတူ နေနိုင်အောင်သာ ကြိုးစားပါ။
ရအောင် ရှာရတာ
အတော်အန္တရာယ်ကြီးပါတယ်။
ရိုးရိုးနဲ့မရရင်
ခိုးယူ လုယူတာတွေလဲ လုပ်လာနိုင်တယ်။
ဘယ်လိုမှမရတော့ရင် ရူးချင် ရူးသွားနိုင်တယ်။
ဒီလိုပုဂ္ဂိုလ်တွေ မျက်မြင်ဒိဋ္ဌ ကြုံဖူးတယ်။
တရားဆိုတာ
အတူနေရာကနေ ရင်းနှီးကျွမ်းဝင်ပြီး
တဖြည်းဖြည်း လူနဲ့တရား
တစ်သားတည်း ဖြစ်သွားမယ်။
အဲဒါ တရားရသွားတာမဟုတ်ဘူး၊
တရားရှိသွားတာ။
ရှာလို့ရတဲ့အရာမှန်သမျှ
ခိုးဝှက် ပျောက်ရှ အန္တရာယ်မကင်းဘူး။
မရှာဘဲ ရှိနေတဲ့အရာက
ခိုးသူဓားပြလဲ မလုယက်နိုင်ဘူး။
ပျောက်ရှ ဆုံးရှုံးမှုလဲ မဖြစ်နိုင်ဘူး။
ခိုင်သွားပြီ။
နောက်တစ်ခါ ထပ်ရှာဖို့ မလိုတော့ဘူး၊
တရားအားထုတ်တယ်ဆိုတာ
ရအောင် ရှာရမှာမဟုတ်ဘူး။
ရှိလာအောင်
အတူနေတဲ့ အလေ့အကျင့် လုပ်နေရမှာ။
ရလာမှာ မဟုတ်ဘူး။
ရှိလာမှာ။
ဘယ်တော့မှ မပျောက်မပျက်တော့ဘူး။
ရှေးဆရာတော်ကြီးများကတော့
မလိုချင်တာတွေနဲ့ ရရှိကြုံတွေ့ရသည်ဖြစ်စေ
လိုချင်တာတွေနဲ့ မရရှိ မကြုံတွေ့ရသည်ပဲဖြစ်စေ…
အမှန်တကယ်လိုအပ်တဲ့
ကိုယ်ကျင့်သိက္ခာနဲ့ ပါရမီကောင်းမှုတွေ မပျက်စီးသမျှ
ဘ၀မှာ ဘာမှ ပျက်စီးဆုံးရှုံးတယ်လို့ မဆိုနိုင်ဘူး" လို့
ဆုံးမတော်မူပါတယ်။
🙏#ဓမ္မဘေရီ အရှင်ဝီရိယ (တောင်စွန်း)🙏
uhw 🙏🍁🌹