#နိုင်ငံတကာသတင်း
◼ထိုင်းနှင့်အငြင်းပွားမှု မြင့်တက်နေစဉ် ကမ္ဘောဒီးယားအစိုးရဦးဆောင်သည့်လူထုထောက်ခံပွဲလုပ်
ပြီးခဲ့သည့်လက ကမ္ဘောဒီးယားစစ်သားတစ်ဦး သေဆုံးမှုကြောင့် ဖြစ်ပေါ်လာသော ထိုင်းနိုင် ငံနှင့် နယ်စပ်အငြင်းပွားမှုတွင် အစိုးရအားထောက်ခံမှုပြသရန် နိုင်ငံတော်ကဦးဆောင်ကျင်းပခဲ့သော လူထုချီတက်ပွဲတွင် ကမ္ဘောဒီးယားနိုင်ငံသား ထောင်ပေါင်းများစွာ စုဝေးခဲ့ကြကြောင်း သိရသည်။
အရှေ့တောင်အာရှ အိမ်နီးချင်းနှစ်နိုင်ငံသည် မိုင်ပေါင်း ၅၁၀ ရှည်လျားသော နယ်စပ်ထိစပ်မှုရှိပြီး ယင်းတွင် နယ်စပ်စည်းမသတ်မှတ်ရသေးသောနေရာများ ပါရှိသကဲ့သို့နှစ်ဖက်စလုံးက ဆယ်စုနှစ်နှင့်ချီ အငြင်းပွားနေသည့် ရှေးဟောင်းဘုရားကျောင်း နေရာများလည်း ပါဝင်သည်။
တင်းမာမှုများ လျော့ပါးစေရန် တာဝန်ရှိသူများက ဖနွမ်းပင်မြို့တွင် ဆွေးနွေးခဲ့ကြပြီးနောက် ရက်ပိုင်းအကြာမှာပင် လူထုချီတက်ပွဲ ဖြစ်ပေါ်လာခြင်းဖြစ်သည်။ နှစ်ဖက်စလုံးက ဆွေးနွေးပွဲများ ဆက်လုပ်မည်ဟု ပြောကြားထားကြသည်။
စုဝေးပွဲသို့ လာရောက်သူများက ကြွေးကြော်သံများ အော်ဟစ်ခဲ့ကြကာ ဝန်ကြီးချုပ် ဟွန်မာနက် ၊ ၎င်း၏ဖခင် ဝန် ကြီးချုပ်ဟောင်း ဟွန်ဆန် တို့၏ ဓာတ်ပုံများကို ကိုင်ဆောင်ထားခဲ့ကြသည်။
ဒုတိယဝန်ကြီးချုပ် ဟွန်မာနီ ဦးဆောင်သော လူထုချီတက်ပွဲတွင် ကျောင်းသားများ ၊ ဘုန်းကြီးများလည်း တက်ရောက်ခဲ့ကြသည်။
ဟွန်မာနီမှာ ဝန်ကြီးချုပ် ဟွန်မာနက်၏ ညီလည်းဖြစ်သည်။
ထိုင်းနိုင်ငံက ၎င်းတို့၏ ပိုင်နက်ကို ထပ်မံချိုးဖောက်ခဲ့ကြောင်း ကမ္ဘောဒီးယားကာကွယ်ရေးဝန်ကြီးဌာနက ယနေ့ထပ်မံပြောကြားခဲ့ပြီးထိုင်းနိုင်ငံက ပယ်ချထားသည်။
အငြင်းပွားနေသောနေရာတွင်ထိုင်းနိုင်ငံဘက်ကဒရုန်းများပျံသန်းခြင်း၊က တုတ်ကျင်းများတူးခြင်း၊နယ်စပ်တစ်လျှောက် စစ်တပ်များ ချထားခြင်းများ လုပ် ဆောင်ခဲ့ကြောင်း ကမ္ဘောဒီးယားကာကွယ်ရေးဝန်ကြီးဌာနက ထုတ် ပြန်ခဲ့သည်။
ကတုက်ကျင်းမြောင်းများမှာ ထိုင်းပိုင်နက်နယ်မြေထဲတွင် ပါဝင်ကြောင်း နှင့် ထို့အတွက်ကြောင့် “၂၀၀၀ ပြည့် နှစ်နားလည်မှုစာချွန်လွှာ” အား ချိုးဖောက်သည်ဟူသော ပြောဆိုမှုများကို ငြင်းဆိုပါကြောင်း ထိုင်းနိုင်ငံခြားရေးဝန်ကြီးဌာန ပြောခွင့်ရသူ က ပြောကြားသည်။ ယင်းစာချွှန်လွှာမှာ နယ်စပ်အငြင်းပွားမှုများ ဖြေရှင်းရန် ၂၀၀၀ ပြည့်နှစ်က လက်မှတ်ရေးထိုးခဲ့သော သဘောတူညီမှုဖြစ်သည်။
အငြင်းပွားနေသော နေရာလေးခုကိစ္စအား ဖြေရှင်းနိုင်ရေး နိုင်ငံတကာတရားရုံးသို့ တင်ပြထားကြောင်း ကမ္ဘောဒီးယားက သီတင်းပတ်ကုန်တွင်ပြောကြားသည်။
ထိုင်းနိုင်ငံကမူ ယင်းတရားရုံး၏ စီရင်ပိုင်ခွင့်ကို အသိအမှတ် မပြု ကြောင်းနှင့် နှစ်နိုင်ငံကြားယန္တရားများ မှ တစ်ဆင့်သာ ဖြေရှင်းရန် အကြိမ်ကြိမ်ပြောကြားခဲ့သည်။
သတင်း-ရဲမင်း
ကိုးကား-Reuters
