#နိုင်ငံတကာသတင်း
◼ခြွင်းချက်မရှိ လက်နက်ချရန် အီရန်ကို ထရန့်သတိပေး
ခြွင်းချက်မရှိလက်နက်ချရန် အီရန်အား အမေရိကန်သမ္မတဒေါ်နယ်ထရန့်၏ တိုက်တွန်းမှုထွက်ပေါ်ခဲ့သော်လည်း အစ္စရေးနှင့်အီရန်အကြား လေကြောင်းစစ်ပွဲမှာ ခြောက်ရက်မြောက်လာခဲ့ပြီဖြစ်ကာ ယနေ့နံနက်တွင်လည်း အ ပြန်အလှန်ဒုံးကျည်များဖြင့် ပစ်ခတ်တိုက်ခိုက်ခဲ့ကြသည်။
အမေရိကန်၏ စိတ်ရှည်သီးခံမှု လျော့ပါးလာနေကြောင်း နှင့် လောလောဆယ်အီရန်ခေါင်းဆောင် အယာ တိုလာ အလီခါမီနီအား သုတ်သင်ရန် အစီအစဉ်မရှိကြောင်း ထရန့် က လူမှုမီဒီယာပေါ်တွင်ရေးသားသည်။ တစ် ဖက် တွင်လည်း စစ်ပွဲအတွင်းသို့ အမေရိကန်က ပို၍ ထဲထဲဝင်ဝင်ပါဝင်မည်လားဆိုခြင်းကို ၎င်းက စဉ်းစားနေသည်ကို မှတ်ချက်များက ပြသနေသည်။
“ ထိပ်သီးခေါင်းဆောင်လို့ ခေါ်နေကြတဲ့သူ ဘယ်မှာ ပုန်းနေလဲဆိုတာကို ကျွန် တော်တို့ အတိအကျ သိ ထား ပါ တယ်။ အနည်းဆုံး အခုအချိန်မှာတော့ သူ့ကို မသုတ်သင်သေးပါဘူး ။ ဒါပေမယ့်လည်း စိတ်ရှည်မှုတော့ လျော့ ပါးလာပြီ။” ဟု ထရန့် က ၎င်း၏ Truth Social ပလက်ဖောင်းတွင် ရေးသားသည်။
ယင်းနောက် သုံးမိနစ်အကြာတွင် “ခြွင်းချက်မရှိလက်နက်ချ” ဟု ထရန့်က စာလုံးကြီးများဖြင့် ရေးသားခဲ့သည်။
ယနေ့ နံနက် ပထမ နှစ်နာရီအတွင်းမှာပင် အီရန်က အစ္စရေးအား ဒုံးကျည်နှစ်သုတ် ပစ်လွှတ် တိုက် ခိုက်ခဲ့ကြောင်း အစ္စရေးစစ်ဘက်ကပြောကြားပြီး တဲလ်အဗစ်မြို့တွင် ပေါက်ကွဲသံများ ကြားခဲ့ရသည်။
တီဟီရန်မြို့ အနောက်တောင်ပိုင်းရှိ အီရန်၏ စစ်စခန်းများအား အစ္စရေးလေ တပ် က တိုက်ခိုက်နိုင်ရန် ယင်း ဒေသ တွင်နေထိုင်သူများဘေးလွတ်ရာသို့ရွှေ့ ပြောင်းကြရန်အစ္စရေးကပြောကြားခဲ့သည်။
အီရန်တော်လှန်ရေးအစောင့်တပ်နှင့် ဆက်စပ်သော မြို့တော် အရှေ့ဘက်ရှိ တက္ကသိုလ်တစ်ခုကိုလည်း အစ္စရေးက တိုက်ခိုက်နေကြောင်း အီရန်သတင်းဝက်ဘ်ဆိုက်များက ပြောကြားကြသည်။
ထို့ပြင် တီဟီရန်မြို့အနီးမှ ခိုဂျာ ပဲ့ထိန်းဒုံးကျည်စခန်းကိုလည်း အစ္စရေးက တိုက်ခိုက်ခဲ့ပြီး ယင်းနေရာမှာ ပြီးခဲ့ သည့်အောက်တိုဘာလက လုပ်ဆောင်ခဲ့သည့် အစ္စရေး၏တိုက်ခိုက်မှုများတွင်လည်း ပစ်မှတ်ထားခံခဲ့ရသည်။
အီရန်နျူကလီးယားစခန်းများအား အစ္စရေးနှင့်အတူ ပူးပေါင်းတိုက်ခိုက်ရေး အပါအဝင် ရွှေးချယ်စရာ အများ အ ပြားကို ထရန့်နှင့်၎င်း၏အဖွဲ့ က စဉ်းစားနေကြောင်း အတွင်းပိုင်းဆွေးနွေးပွဲများနှင့်ရင်းနှီးသော သတင်း ရင်း မြစ် တစ်ဦး က ရိုက်တာသတင်းဌာနအား ပြေားကြားသည်။
ဒေါ်နယ်ထရန့် ကအစ္စရေးဝန်ကြီးချုပ် ဘင်ဂျမင်နေတန်ယာဟု နှင့် အင်္ဂါနေ့က ဖုန်းပြောခဲ့ကြောင်း အိမ် ဖြူ တော်အရာရှိကြီးတစ်ဦး က ပြောသည်။
ယင်းနေ့မှာပင် ထရန့်က အမျိုးသားလုံခြုံရေးကောင်စီ နှင့် မိနစ် ၉၀ ကြာ အစည်း အ ဝေးလုပ်ခဲ့ကြောင်း အိမ်ဖြူတော် အရာရှိကြီးတစ်ဦးက ပြောကြားသော်လည်း အကျယ်တဝင့် မပြောပေ။
အမေရိကန်က အရှေ့အလယ်ပိုင်းဒေသသို့ တိုက်လေယာဉ်များ ပိုမိုစေလွှတ်ထားပြီး မူလရှိပြီးသား အုပ်စု များ ကိုလည်း သက်တမ်းတိုးမြှင့်ထားကြောင်း အမေရိကန်အရာရှိကြီး သုံးဦးက ပြောကြားသည်။
ယခုအချိန်ထိ အမေရိကန်က ပဋိပက္ခတွင် တိုက်ရိုက်ပါဝင်ပတ်သက်ခြင်း မရှိဘဲ အစ္စရေးသို့ ပစ်လွှတ်လိုက်သော အီရန်ဒုံးကျည်များအား ကူညီပစ်ချခြင်းမျိုးသာ လုပ်ဆောင်ခဲ့သည်။
အစ္စရေး-အီရန် ပဋိပက္ခတွင် အမေရိကန်ပါဝင်တော့မည့် အရိပ်လက္ခဏာမတွေ့ရကြောင်း ကနေဒါနိုင်ငံတွင် ဒေါ် နယ်ထရန့်နှင့် အတူ ဂျီ-၇ အစည်းအဝေးတက်ရောက်ခဲ့သော ဗြိတိန်ဝန်ကြီးချုပ် ကီယာစတာမာက ဆိုသည်။
အီရန်ခေါင်းဆောင်များသည် ၁၉၇၉ ခုနှစ် အစ္စလာမ်မစ်တော်လှန်ရေးနောက် ပိုင်း အန္တရာယ်အများဆုံး လုံခြုံ ရေး ကျိုးပေါက်မှုကို ခံစားနေရသဖြင့် အီရန်အရာရှိများက မိုဘိုင်းဖုန်းနှင့် အခြား ဆက်သွယ်ရေးကိရိယာများ အသုံးပြု ခြင်းကို အီရန်ဆိုက်ဘာလုံခြုံရေး ဌာနချုပ် က ပိတ်ပင်ထားကြောင်း အီရန် ဖားစ် သတင်းဌာနက ပြောကြားသည်။
အီရန်၏ ဒစ်ဂျစ်တယ်အခြေခံအဆောက်အဦများအပေါ် အစ္စရေးက ကြီး မားသောဆိုက်ဘာစစ်ပွဲ ဆင်နွဲခဲ့ကြောင်း အီရန်မီဒီယာများက သတင်းပို့သ ည်။
ယခုအခါတွင် အီရန်၏ ဝေဟင်ပိုင်နက်အား စိုးမိုးထားပြီဖြစ်ကြောင်းနှင့် ရှေ့လာမည့် ရက်များတွင်း စစ်ပွဲအရှိန်အဟုန် တိုးမြှင့်သွားရန် ရည်ရွယ်ကြောင်း အစ္စရေးက ပြောကြားသည်။
သို့ရာတွင် စစ်ပွဲအတွင်း အမေရိကန်ပါဝင်လာခြင်းမရှိပါက တောင်အောက်တွင် ဖောက်၍တည်ဆောက်ထားသော ဖော်ဒိုးနျူကလီးယားစက်ရုံကဲ့သို့ နေရာများကို အပြီးသတ်ထိုးနှက်မှုမျိုးလုပ်ရန် အစ္စရေးက ရုန်းကန်ရ မည် ဖြစ် ကြောင်း ရိုက်တာသတင်းက ဖော်ပြသည်။
သတင်း-ရဲမင်း
ကိုးကား-Reuters
