#ယနေ့ထုတ်သတင်းစာ_သတင်း
◼ ချွန်ပူလီရှိစက်ရုံမှ မြန်မာလုပ်သား ၂၀၀ ကျော်အလုပ်ထုတ်ခံရ
ထိုင်းနိုင်ငံ ချွန်ပူလီခရိုင်လယောင်မြို့တွင်ရှိသော အလူမီနီယံ အလူမီနီယံခဲဘတ်ထုတ်လုပ်သည့် စက်ရုံတွင် အလုပ်လုပ်ကိုင်နေသည့် မြန်မာအလုပ်သမား ၂ဝဝ ကျော် စက်ရုံမှအလုပ်ဖြုတ်ခံလိုက်ရကြောင်း အလုပ်သမားမဟာမိတ် WAG Myanmar အဖွဲ့မှ သိရသည်။
ထိုစက်ရုံတွင် အလုပ်လုပ်ကိုင်နေသည့် MOU/Name List /CI ကိုင်ဆောင်ထားသော မြန်မာအလုပ်သမားစုစုပေါင်း ၃ဝဝ ကျော်သည် ၂ဝ၂၄ ခုနှစ်ဩဂုတ် ၈ ရက်တွင် ကြားစပ်ကုမ္ပဏီမှတစ်ဆင့် ထိုစက်ရုံတွင် အလုပ်စတင်ဝင်ရောက်လုပ်ကိုင်ခဲ့သည်မှာ တစ်နှစ်ခန့်ရှိခဲ့ပြီဖြစ်ကြောင်း သိရသည်။
လတ်တလောတွင် အလူမီနီယံခဲဘတ်စက်ရုံမှ ကြားစပ်ကုမ္ပဏီကို နာမည်စာရင်းသာပါသည့် အလုပ်သမား ၆၅ ဦးသာလက်ခံမည်ဟု ဇွန် ၁၁ ရက်တွင်အကြောင်းကြားခဲ့ပြီး မြန်မာအလုပ်သမား ၂ဝဝ ကျော်ကိုစက်ရုံမှအလုပ်ဖြုတ်လိုက်ကြောင်း WAG Myanmar အဖွဲ့ကထုတ်ပြန်သည်။
အလုပ်ထုတ်ခံရသောအလုပ်သမား ၂ဝဝ ကျော်တို့၏ မေ ၁၀ ရက်မှစ၍ ယနေ့အချိန်ထိလုပ်အားခတစ်လစာအား စက်ရုံဘက်မှ ထုတ်ပေးခြင်းမရှိကြောင်း သိရသည်။
ဓာတ်ပုံ-WAG
