#နိုင်ငံတကာသတင်း
◼ အီရန်အပေါ် အစ္စရေး၏ စစ်ဆင်ရေးအားအမေရိကန်သွယ်ဝိုက်ထောက်ခံနေ၊ရက်ပိုင်းမျှသာမဟုတ်သီတင်းပတ်များအထိကြာမြင့်မည်ဟုမျှော်လင့်ရ
အီရန်အပေါ် အစ္စရေး၏ စစ်ဆင်ရေးသည် ရက်ပိုင်းမျှသာမဟုတ်ဘဲသီ တင်းပတ်များအထိ ကြာမြင့်မည်ဟု မျှော်လင့်ရပြီး အမေရိကန်၏ သွယ်ဝိုက်သော ခွင့်ပြုချက်ဖြင့် ရှေ့ဆက်နေကြောင်း အိမ်ဖြူတော်နှင့် အစ္စရေး တာဝန်ရှိသူများက ပြောကြားသည်။
သီတင်းပတ်များအထိကြာမြင့်နိုင်သည့်အစ္စရေး၏စစ်ဆင်ရေးများနှင့်ပတ် သက်၍ သီးသန့်ဆွေးနွေးမှုများတွင် အမေရိကန်သမ္မတ ဒေါ်နယ်ထရန့်အစိုးရကကန့်ကွက်ထားခြင်းမရှိကြောင်း အစ္စရေးအရာရှိတစ်ဦးက CNN သို့ ပြောကြားသည်။
ထို့ပြင်အစ္စရေး၏အစီအစဉ်များကိုအမေရိကန်အစိုးရကသိရှိထားပြီး သွယ် ဝိုက်စွာ ထောက်ခံကြောင်း အိမ်ဖြူတော်အရာရှိတစ်ဦးက ပြောကြားခဲ့သည်။
အီရန်၏နျူကလီးယားခြိမ်းခြောက်မှုကို ဖယ်ရှားရန် အစ္စရေးအနေဖြင့် ၎င်း ၏ စစ်ဆင်ရေးကို ရက်ပေါင်းများစွာ ဆက်လက်လုပ်ဆောင်သွားမည်ဖြစ်ကြောင်း ယမန်နေ့ ရုပ်သံမိန့်ခွန်းတွင် အစ္စရေးဝန်ကြီးချုပ် ဘင် ဂျမင်နေတန်ယာဟုက ပြောကြားခဲ့သည်။
အီရန်အစိုးရ၏ ပစ်မှတ်တိုင်းကို အစ္စရေးက တိုက်ခိုက်သွားမည်ဖြစ်ကြောင်း အစ္စရေးဝန်ကြီးချုပ် ဘင်ဂျမင် နေတန်ယာဟုကမိန့်ခွန်းတွင် ပြောကြားခဲ့ပြီးနှစ်နိုင်ငံအကြား တင်း မာမှုများ ဆက် လက်မြင့်တက်လာနေသည်။
ထို့ပြင်ကာလရှည်ရန်ဘက်များအကြား တင်းမာမှုများ ဆက်လက်မြင့်တက်နေခြင်းကြောင့် နောက် ထပ် ဆင့်ကဲတိုက်ခိုက် မှုများ ပိုဖြစ်လာမည်ဟုလည်း အစ္စရေးဝန်ကြီးချုပ် ဘင်ဂျမင်နေတန်ယာဟု က အီရန် ပြည် သူ များအား သတိပေးပြောကြားခဲ့သည်။
“မကြာခင်မှာ အစ္စရေးတိုက်လေယာဉ်တွေ၊ အစ္စရေးလေတပ်နဲ့ ရဲရင့်တဲ့ လေယာဉ်မှူးတွေကို တီဟီရန်ရဲ့ ဝေဟင်ထက်မှာ မြင်တွေ့ရလိမ့်မယ်။”ဟုနေတန်ယာဟုကဆိုသည်။
အစ္စရေးနှင့်အီရန်တို့သည်ယမန်နေ့ညလုံးပေါက် အပြန်အလှန်အပြင်းအထန်တိုက်ခိုက်ခဲ့ကြသည်။
အစ္စရေး၏ယမန်နေ့ ည တိုက်ခိုက်မှုများအတွင်း အီရန် ကာကွယ်ရေး ဝန် ကြီးဌာနရုံးချုပ်အပါအဝင် ပစ်မှတ်အများအပြားကိုလည်း ထိမှန်ခဲ့ပြီး“တီဟီရန် မီးလောင်နေတယ်”ဟုအစ္စရေးကာကွယ်ရေးဝန်ကြီး ကဆိုရှယ်မီဒီယာ X တွင်ရေးသားထားသည်။
ထို့နောက်အီရန်အပေါ် အစ္စရေး၏တိုက်ခိုက်မှုများအတွင်းမြေပြင်မှ မြေပြင်ပစ် ဒုံးကျည်များနှင့် တခြား စစ်ဘက်ဆိုင်ရာ အခြေခံအဆောက်အအုံများကို ထိမှန်ခဲ့ကြောင်း အစ္စရေးစစ်တပ်ကယနေ့ နံနက်ပိုင်းတွင်ထုတ်ပြန်ခဲ့သည်။
အစ္စရေး၏အစောပိုင်း တိုက်ခိုက်မှုများတွင် တီဟီရန်ရှိ အီရန်ကာကွယ်ရေးဝန်ကြီးဌာနရုံးချုပ်အပြင် မြို့တော်အနီးရှိ ရေနံချက်စက်ရုံနှင့် လောင်စာဆီသို လှောင်ကန်များကိုလည်း ထိမှန်ပြီး ကြီးမား သော မီးလောင် မှုဖြစ်ပွားခဲ့သော် လည်း အခြေအနေများကို ထိန်းချုပ်နိုင်ခဲ့ကြောင်း အီရန်နိုင်ငံပိုင်မီဒီယာ IRNA က ဖော်ပြခဲ့သည်။
ထို့ပြင်အီရန်၏ ပဲ့ထိန်းဒုံးကျည်ပစ်လွှတ်သည့်နေရာများနှင့် သိုလှောင်ရုံများကို လည်းဖျက်ဆီးပစ်ခဲ့ကြောင်း အစ္စရေးစစ်တပ်က ပြောကြားခဲ့သည်။
အီရန်ကလည်းအစ္စရေးအပေါ် ဒုံးကျည်များ၊ ဒုံးကျည်များဖြင့် တစ်ညလုံး ပစ်ခတ်ခဲ့ပြီးနောက် အစ္စရေး၌အရေးပေါ် ရှာဖွေကယ်ဆယ်ရေးများလုပ်ဆောင်နေပြီး ဘေးလွတ်ရာကိုရွှေ့ပြောင်းမှုများလုပ်ဆောင်ခဲ့ရသည်။
အစ္စရေးအပေါ်တုံ့ပြန်ရန်မှတစ်ပါးရွေးချယ်စရာမရှိဟု၎င်း၏နျူကလီးယားအ စီအစဉ်သည်ငြိမ်းချမ်းကြောင်းအခိုင်အမာဆိုထားသောတီဟီရန်ကပြောသည်။
အစ္စရေး၏ရန်စမှုများဆက်လက်ရှိနေပါကအစ္စလာမ္မစ်တော်လှန်ရေးအစောင့်တပ်ကတိုက်ခိုက်မှုများကိုအရှိန်မြှင့်သွားမည်ဟုလည်းအီရန်ကပြန်လည်ခြိမ်းခြောက်ခဲ့သည်။
ယမန်နေ့ညကနှစ်ဖက် အပြန်အလှန်တိုက်ခိုက်မှုများကြောင့် အစ္စရေး၌ သေဆုံးသူ ၁၀ ဦးအထိ မြင့်တက်လာပြီး အရေးပေါ် ရှာဖွေကယ်ဆယ်ရေး လုပ်ငန်းများ ဆက်လက် လုပ်ဆောင်နေကြသည်။
အစ္စရေး ရှာဖွေရေးကယ်ဆယ်ရေး အဖွဲ့ ဇာကာ၏အဆိုအရ အလယ်ပိုင်း ကမ်းရိုးတန်းမြို့ ဘတ်ယမ်၌ လူခြောက်ဦး သေဆုံးခဲ့ပြီး အဆောက်အအုံတစ်ခု တိုက်ရိုက် ထိမှန်ခဲ့ကြောင်း သိရသည်။
ထို့ပြင်ပါလက်စတိုင်း-အစ္စရေး မြောက်ပိုင်းရှိ တမ်ရာ မြို့၌ အဆောက်အဦများ ထိမှန်မှုကြောင့် နောက်ထပ်လေးဦး သေဆုံးခဲ့ကြောင်းသိရသည်။
သတင်း-လင်းခေတ်
ကိုးကား-CNN