Galaxy S Series အပြင် Foldable ပါ Ultra စထုတ်ပြီ 👀
.
Samsung ကနေ ထူးထူးခြားခြား ဒီနှစ်မှာ "Meet the Next Chapter of Ultra" ဆိုပြီး Foldable ဖုန်းကိုပါ Ultra နာမည်တပ်ပြီး မိတ်ဆက်မယ်ဆိုပြီး တရားဝင်ကြေညာလိုက်ပါတယ်။
ဒီ Ultra Foldable ဖုန်းက လက်ရှိ Galaxy Z Fold6 လိုမျိုး ဒီဇိုင်းပဲဖြစ်ပေမယ့် သိသိသာသာပိုကောင်းလာမှာပါ။ Samsung ဘက်က ပြောထားသလိုဆိုရင် User တွေဘက်က ပိုကြီးမားတဲ့ Display | ပိုကောင်းတဲ့ Camera နဲ့ ချိတ်ဆက်ဖန်တီးနိုင်တဲ့ နည်းလမ်းအသစ်တွေကို တောင်းဆိုနေကြတာကြောင့် နောက်ထပ်တစ်ဆင့်ပိုတက်ပြီး Ultra Device အသစ်ကို မိတ်ဆက်မှာဖြစ်ပါတယ်။
အခု Ultra Foldable ဖုန်းအသစ်ဟာ Upgrade တွေအများအပြားလုပ်ထားမယ့်အပြင် ပိုသေးပြီး ပိုကိုင်ရအဆင်ပြေ၊ ပို Portable ဖြစ်မယ်ဆိုပြီးလည်း ပြောထားသေးတယ်။ ပြီးတော့ ထုံးစံအတိုင်း AI ပိုင်းမှာလည်း အကောင်းဆုံးဖြစ်လာဦးမယ်ဆိုပဲ။​
ဒီလိုမျိုး Ultra Foldable ထုတ်မှာက တစ်ဖက်မှာ Chinese Foldable ဖုန်းတွေက အရမ်းပိုပါးအောင်ထုတ်လာကြတာကြောင့်လည်းဖြစ်နိုင်တယ်။ ပြီးတော့ Galaxy S Series လိုမျိုး Ultra ကို စျေးထပ်တင်ပြီး နောက်ထပ် Model တစ်ခုအနေနဲ့ ၂ မျိုးခွဲရောင်းမလား၊ Galaxy Z Fold7 ကိုပဲ နာမည်ပြောင်း၊ Upgrade ပိုလုပ်ပြီး Ultra ဖြစ်လာမလားပဲ။​
ဘာပဲဖြစ်ဖြစ် ပုံမှန် Galaxy Foldable ဖုန်းတွေက ဇူလိုင်လကုန်၊ သြဂုတ်လဝန်းကျင်မှာ မိတ်ဆက်နေကြဆိုတော့ သိပ်မစောင့်ရလောက်တော့ပါဘူး 👀