ဇွတ် Hype နေပေမယ့် သာမာန်ပါပဲ Predator: Killer of Killers
Predator: Killer of Killers ကို အမှန်တိုင်းပြောရရင် Blue Eye samurai တို့ Twilight of the Gods တို့လောက် မကြိုက်တာ အမှန်ပါပဲ။
ဘာကြောင့်လဲဆိုရင် Predator တွေကို Nerf ထားလို့ပါ။ Predator တွေက ဒီဇာတ်ကားထဲမှာ ဧည့်သည်သရုပ်ဆောင်တွေလိုပဲ ဟန်ရေးပြနေတာနဲ့ အချိန်ကုန်နေတာတွေ့ရပါတယ်။ အဓိက ဇာတ်ကောင်တွေကလည်း ပြောရမယ်ဆိုရင် ဒုတိယ ဇာတ်လမ်းဖြစ်တဲ့ samurai ညီနောင်နှစ်ကောင်လောက်ပဲကြမ်းပြသွားတာပါ။ ရှေ့ဆုံးဇာတ်လမ်းနဲ့ နောက်ဆုံး လေယာဥ်မောင်းတဲ့ ဇာတ်လမ်းကတော့ Predator တွေမိုက်သလောက် ဇာတ်လမ်းကို ပေါ့ရွှတ်ရွှတ်နဲ့လုပ်သွားသလိုတောင် ခံစားရပါတယ်။
အဆိုးဆုံးကတော့ ထောင်ထဲမှာ အတူတူထားပြီး Predator တွေရဲ့ General လို ကောင်နဲ့ချတာတောင် Predator ကို Nerf ထားတဲ့ အထိပါပဲ။ ဇွတ် Hype နေကြတာကလည်း နောက်ဆုံး Credit Scene လောက်ပဲလို့ မြင်မိပါတယ်။ ကျန်တာတွေကတော့ သာမာန် Animation တစ်ကားထက်မပိုပါဘူး။
Predator တွေရဲ့ ထုံးစံအရတော့ သွေးထွက်သံယိုများများ သတ်တာဖြတ်တာကြမ်းကြမ်းတွေနဲ့ ဇာတ်လမ်းကို စိတ်လှုပ်ရှားစရာ အမဲလိုက်တာတွေကို ဦးတည်ထားပေမယ့် အခုလာတဲ့ Aniamtion ကတော့ အမဲလိုက်တာထက် သန်မာတဲ့ သားကောင်ရယ်၊ တိုက်ခိုက်နိုင်တဲ့ သူတွေကိုရွေးပြီး လိုက်တိုက်ခိုက်တဲ့ပုံစံလို့ မြင်မိပါတယ်။
ဆိုရမယ်ဆို ဇာတ်လမ်းက အရမ်းမြန်ပြီး သွက်တဲ့ဘက်သွားထားတာရယ်၊ တစ်ဦးချင်းစီ ဇာတ်လမ်းကို သေချာမပြနိုင်တာရယ်၊ နောက်ပြီး ဇာတ်လမ်းက သာမာန် Animation လောက်ပဲဆိုတော့ ကြည့်ပျော် ရှုပျော်အဆင့်ပဲရှိတယ်လို့ခံစားရပါတယ်။
Timeline ကတော့ Prey ကကောင်မလေး သေနတ်က အခု Predator: Killer of Killers မှာ လေယာဥ်မောင်းထွက်သွားပြီး သေနတ်ပါသွားတာကနေ Predator 2 မှာ သေနတ်ကိုပြန်ပြသွားပြီး နောက်ဆုံးထွက်လာမယ့် Predator: Badlands အထိကို အကုန်ချိတ်သွားမယ့် အနေထားမှာရှိပါတယ်။
အချိတ်ဆက်တွေကတော့ တော်တော်လေးကောင်းပြီး အချိန်မပုတ်တဲ့ ရုပ်ရှင်ဆိုပေမယ့် သာမာန် Animation တစ်ကားထက် မပိုတဲ့ ရုပ်ရှင်လို့ပဲပြောလို့ရပါတယ်။
Rating ကတော့ 7.6/10 ရထားပြီး ကြည့်ပျော်ရှုပျော်ရှိတဲ့ ဇာတ်ကားတစ်ကားလို့ သတ်မှတ်လို့ရပါတယ်။