လူတွေလို အထိအတွေ့ကို ခံစားနိုင်တဲ့ စက်ရုပ်တွေ လာတော့မယ်! 🤖✨
ကင်းဘရစ်ချ်တက္ကသိုလ် (Cambridge) နဲ့ University College London က သိပ္ပံပညာရှင်တွေဟာ စရိတ်သက်သာပြီး အလွန်အထိမခံတဲ့ robotic skin (စက်ရုပ်အသားအရေ) တစ်မျိုးကို အောင်မြင်စွာ တီထွင်လိုက်ပါတယ်။
ဒီအသားအရေကို လက်အိတ်လိုမျိုး စက်ရုပ်လက်မှာ စွပ်လိုက်ရုံနဲ့ ပတ်ဝန်းကျင်ကို လူတွေလိုပဲ အာရုံခံနိုင်မှာ ဖြစ်ပါတယ်။
ဒီ Robotic Skin က ဘယ်လောက်ထူးခြားလဲ?
အရင်က စက်ရုပ်တွေမှာ အာရုံခံကိရိယာတွေကို နေရာကွက်ပြီး တပ်ဆင်ရပေမဲ့၊ ဒီအသားအရေကတော့ မျက်နှာပြင်တစ်ခုလုံးက အာရုံခံစနစ်အဖြစ် အလုပ်လုပ်တာပါ။ ဒါကြောင့် လူ့အရေပြားနဲ့ ပိုပြီး နီးစပ်လာပါတယ်။
သူ့ရဲ့ အာရုံခံနိုင်စွမ်းတွေကတော့ -
• လက်နဲ့ တို့ထိတာ၊ ဖိလိုက်တာ
• ပူတာ၊ အေးတာ
• ဓားလိုမျိုး အရာနဲ့ ထိခိုက်မိတာ
• နေရာတော်တော်များများမှာ တစ်ပြိုင်နက်တည်း ထိတွေ့တာ
ဒါတွေကို ခွဲခြားသိနိုင်အောင် machine learning နည်းပညာနဲ့ လေ့ကျင့်ပေးထားတာ ဖြစ်ပါတယ်။ ဒီအသားအရေကို အလွယ်တကူ ထုတ်လုပ်နိုင်သလို၊ အရည်ကျိုပြီး ပုံစံအမျိုးမျိုးပြန်သွင်းနိုင်တာကြောင့် စက်ရုပ်အမျိုးမျိုးအတွက် အသုံးဝင်မှာပါ။
ဒါပထမဆုံး သုတေသနလား?
ဒီလို စက်ရုပ်အသားအရေ သုတေသနတွေက အခုမှစတာတော့ မဟုတ်ပါဘူး။ ၂၀၂၂ တုန်းကလည်း Glasgow တက္ကသိုလ်က အင်ဂျင်နီယာတွေက ‘နာကျင်မှု’ ကို ခံစားနိုင်တဲ့ အသားအရေကို တီထွင်ခဲ့ဖူးပါတယ်။ တခြား တက္ကသိုလ်တွေမှာလည်း လူ့အရေပြားဆဲလ်အစစ်နဲ့ စမ်းသပ်တာလိုမျိုး ကြိုးပမ်းမှုတွေ အများကြီးရှိခဲ့ပါတယ်။
ဘယ်နေရာတွေမှာ သုံးလာနိုင်မလဲ?
ဒီနည်းပညာဟာ အနာဂတ်မှာ အသုံးချနိုင်ဖို့ အလားအလာကောင်းတွေ အများကြီး ရှိနေပါတယ်။
•ကျန်းမာရေး: ခြေတုလက်တုတွေမှာ တပ်ဆင်ပြီး လူတွေလို ပြန်ခံစားနိုင်စေမယ်။ ခွဲစိတ်ခန်းသုံး စက်ရုပ်တွေကို ပိုမိုတိကျစေမယ်။
•ကုန်ထုတ်လုပ်ငန်း: စက်ရုံအလုပ်ရုံတွေမှာ လူနဲ့တွဲဖက်လုပ်ကိုင်ရတဲ့ စက်ရုပ်တွေအတွက် ပိုလုံခြုံစိတ်ချရစေမယ်။
ကမ္ဘာ့စက်ရုပ်အီလက်ထရောနစ်အသားအရေဈေးကွက်ဟာ ၂၀၂၅ မှာ အမေရိကန်ဒေါ်လာ သန်း ၅၀၀ လောက်တန်ဖိုးရှိမယ်လို့ ခန့်မှန်းထားပြီး တစ်နှစ်ကို ၁၅% နှုန်းနဲ့ တိုးတက်လာနိုင်တယ်လို့ ဆိုပါတယ်။
လူနဲ့ စက်ရုပ်ကြားက နယ်နိမိတ်တွေ တဖြည်းဖြည်း ပါးလွှာလာနေပါပြီ။
ဒီလို အထိအတွေ့ကို ခံစားနိုင်တဲ့ စက်ရုပ်တွေဟာ ကျွန်တော်တို့ရဲ့ အနာဂတ်ကို ဘယ်လိုပုံဖော်လာနိုင်မလဲ?
