2025 Shanghai Auto Show ကတော့ ယမန်နေ့ မေလ (၂) ရက်နေ့ကပဲ ပြီးဆုံးသွားခဲ့ပါပြီ။ သိတဲ့အတိုင်းပဲ Shanghai Auto Show ဆိုတာ "regional exhibition" တစ်ခုဆိုတာထက် "world's most influential auto showcases" တစ်ခုအလားဖြစ်နေတော့ အသစ်အသစ်သောကားတွေနဲ့ အတော်လေးလည်း စိတ်ဝင်စားဖို့ကောင်းတဲ့ ကားပြပွဲတစ်ခုဖြစ်နေတာ အမှန်ပါပဲ။ Anyway, စိတ်ဝင်စားစရာကားတွေ အများကြီးထဲကမှ ကျွန်တော်သဘောခွေ့မိတဲ့ နောက်တစ်စီးကတော့ ဟောဒီက BMW M4 Nürburgring Edition ပါ။
ဆိုတော့ ဒီ M4 Nürburgring Edition က တစ်နည်းအားဖြင့် Nordschleife အတွက် BMW ရဲ့ "love letter" တစ်စောင်လို့ ပြောလို့ရပါတယ်။ BMW "M" ရဲ့ (၅၃) နှစ်မြောက် Anniversary ကို celebration လုပ်တဲ့အနေနဲ့ ဖန်တီးခဲ့တာဖြစ်သလို အစီးရေအားဖြင့်လည်း (၅၃) စီးသာ ထုတ်မှာပါ။ စိတ်မကောင်းစရာတစ်ချက်ကတော့ ဒီကားကို US အပါအဝင် အခြားဘယ် market မှာမှ ရောင်းချသွားမှာမဟုတ်ဘဲ Chinese market တစ်ခုတည်းအတွက်သာ exclusively ရောင်းချမယ်ဆိုတာပါပဲ။
ထုံးစံအတိုင်းပဲ ဒီ Edition ကို M4 Competition xDrive အပေါ်မှာပဲ based လုပ်ထားတာမို့ သူ့ရဲ့အင်ဂျင်က 3.0L twin-turbo I6 (S58) ပါ။ Specs တွေကတော့ Total Output 523 Hp နဲ့ 0-100 km/h ကို 3.2 sec အတွင်းရောက်မယ်ပေါ့လေ။
ကျွန်တော်တို့ Nürburgring ကို "Green Hell" ဆိုပြီး တင်စားခေါ်ဝေါ်ကြတာ ကိုယ့်လူတို့သိပြီးဖြစ်မှာပေါ့။ ဆိုတော့ အခုဒီ M4 Nürburgring Edition ရဲ့အရောင်က "Green Hell" ကို inspiration ယူပြီး "Frozen Deep Green Metallic" ဆိုတဲ့ အစိမ်းရောင် ခပ်ရင့်ရင့်ကို အပေါ်က Metal အုပ်ပေးထားတာပါ။ ပြောရရင် ရှေ့မှာမြင်ခဲ့ဖူးတဲ့ "isle of man green" တို့၊ "java green" တို့နဲ့ အတော်လေးကွဲပါတယ်။
ပုံမှန်အားဖြင့် BMW ဘက်က mainstream ဖြစ်တဲ့ ရွှေရောင် Gold Rims တွေနဲ့ ပွဲထုတ်လေ့ရှိပေမယ့် အခုတစ်ခါမှာ ကြေးရောင် Bronze Rims တွေသုံးပေးထားတာ ထူးခြားချက်တစ်ခုဖြစ်သလို၊ အတွင်းက ထိုင်ခုံ headrests ပေါ်မှာ Nordschleife ပြေးလမ်းကြောင်း မြေပုံကို အနီရောင်နဲ့ ပုံဖော်ပေးထားတာလေးကလည်း သဘောကျချင်စရာပါပဲ။
အဆုံးသတ်ရရင် အထက်မှာပြောခဲ့တဲ့အတိုင်းပဲ ဒီ M4 Nürburgring Edition က တရုတ်ပြည်အတွင်းမှာပဲ ရောင်းချသွားမှာဖြစ်တာကြောင့် ကိုယ့်လူက Billionaire Collector တစ်ယောက်ယောက်နဲ့ အကျွမ်းတဝင်ရှိနေမှသာလျှင် China အပြင်ဘက်ကို ဝယ်ထုတ်နိုင်ဖို့ ရာခိုင်နှုန်းများပါလိမ့်မယ်။