ကြက်သား ဆီချင်ခေါက်ဆွဲ ပြုလုပ်နည်း... 🤩
***********
မနက်စာ လုပ်ပေးဖြစ်တာလေး လုပ်ရတာလည်းလွယ်ပြီး စားရတာလည်းကြိုက်တော့ ခဏခဏလုပ်ပေးဖြစ်တယ်....။😋
ပြုလုပ်နည်း....
----------
ခေါက်ဆွဲတစည်း မပျော့မမာလေး ပြုတ်ထားပါ။
ကြက်သားရင်အုံသား သို့မဟုတ် ပေါင်သား 500g (သုံးဆယ်သားကျော်) ကို အရေခွံလေးဖယ်ထားပြီး ကြက်သားမှုန့် ထမင်းစားဇွန်း တဝက်လောက်ထည့်ပြီး ရေကိုကြက်သားမြုတ်အောင်ထည့်ပြီး နာရီဝက်လောက်ပြုတ်၊ ပြုတ်ပြီးရင်ပြန်ဆယ်ပြီး အတုံးလေးတွေ တုံးထားပါ။
ကြက်သွန်ဖြူ နုတ်နုတ်စင်းထားတာကို ဆီချက်ချက်ပါ။
နနွင်းမှုန့် မထည့်ရပါ။
ဆီချက်ချက်တဲ့အခါ ဖယ်ထားတဲ့ကြက်အရေခွံကို ကျွတ်အောင်ကြော်ပြီး ထွက်လာတဲ့ဆီနဲ့ချက်လည်း ရပါတယ်။ မစားရင်ရိုးရိုးဆီနဲ့ပဲချက်လို့ရပါတယ်နော်။
ပြီးရင် ကြက်သွန်မြိတ်ပါးပါးလှီးထားပါ။
သကြား ထမင်းစားဇွန်း ၁ ဇွန်း
ကြက်သားမှုန့် ထမင်းစားဇွန်း ၁ ဇွန်း မရှိတရှိ
ပဲငံပြာရည်အကြည် ထမင်းစားဇွန်း ၃ ဇွန်း
ဆီချက် ၃ ဇွန်း တို့ကိုထည့် ပြီးရင်အားလုံးရောသုပ်ပါ။
အရသာအပေါ့အငံကိုယ့်စိတ်ကြိုက်ထပ်မြည်းပြီး ငရုတ်ကောင်းမှုန့်လေးကြိုက်ရင် အပေါ်ကဖြူးစားပါ။
ဟင်းရည်အတွက် စောစောကပြုတ်ထားတဲ့ ကြက်ပြုတ်ရည်ကို ရေလေးနည်းနည်းထပ်ထည့် ကြက်သားမှုန့်လေးနဲ့ ပဲငံပြာရည်အကြည်လေး လိုသလောက်ထည့်ပြီး ဆူအောင်ပြန်တည်။
ငရုပ်ကောင်းမှုန့်လေးဖြူး၊ ကြက်သွန်မြိတ်လေးလှီးထည့်ပြီးဆို ဟင်းရည်လေး ရပါပြီး။
ခေါက်ဆွဲတစည်းဆို မိသားစုလေးယောက်လောက် မနက်စာအဝစားလို့ရတယ်။ အပြင်မှာဝယ်စားရတာထက် အကုန်အကျသက်သာပြီး ပိုပြီးစိတ်ချစွာ စားလို့ရပါတယ်ရှင့်.......။
