သည်ဝတ္ထုက ခေတ်ပြိုင် တရုတ် ဝတ္ထု တအုပ်ပါ။
ခေတ်ပြိုင်လို့ ဆိုရခြင်းကလည်း
သည်ဝတ္ထုကို စာရေးသူ တုန်းသျှီးက
၂၀၂၁ ခုနှစ်ကမှ ရေးသားပြီးစီးခဲ့တာမို့ပါ။
မျက်မှောက်ခေတ် တရုတ် နိုင်ငံကို နောက်ခံထားပြီး
ရေးဖွဲ့ထားတာမို့ လက်ရှိ တရုတ် လူနေမှု ဘဝကိုလည်း
ထင်ဟပ်နိုင်ပါလိမ့်မယ်လို့
မူရင်း တရုတ် ဘာသာကနေ ပြန်ဆိုထားသူ
ဆရာ တော်ကောင်းမင်းက ဆိုထားပါတယ်။
ဇာတ်လမ်းကတော့ လူသတ်မှု တခုကို
တရားခံ ရှာဖွေ ဖော်ထုတ်တဲ့ ဇာတ်လမ်းပါ။
ဒါပေမဲ့ ထူးခြားတာကတော့
သည်အမှုကို ကြိုးစား ဖော်ထုတ်ရင်းနှင့်
ရဲစုံထောက် အမျိုးသမီး ရန်တုန်းတုန်းဟာ
သူ့ရဲ့ ကိုယ်ရေးကိုယ်တာ အိမ်ထောင်ရေး၊
မိသားစု အရေးတွေနှင့် ထွေးရောယှက်တင် ဖြစ်ပြီး
စိတ်ဓာတ် ပြိုလဲလုနီးနီး ဖြစ်ရ၊
သူနှင့် ပတ်သက် ဆက်နွယ်နေသူတွေမှာလည်း
ရိုက်ခတ်မှု အကြီးကြီးတွေ ကြုံကြရတာကို
စိတ်ပညာ၊ စာပေ၊ အနုပညာ၊
အိမ်ထောင်ရေး၊ အချစ်ရေး စတာတွေနှင့် ယှက်ရှယ်ပြီး
စာရေးသူက လှလှပပ ရေးဖွဲ့ထားပါတယ်။
' ပဲ့တင်သံ ' ဝတ္ထုဟာ
ယနေ့ တရုတ် စာပေလောကမှာ
ဂုဏ်သိက္ခာ အမြင့်ဆုံး စာပေဆုလည်း ဖြစ်၊
ဆုကြေးငွေ အမြင့်ဆုံး စာပေဆုလည်း ဖြစ်တဲ့
မော်တွန်း စာပေဆုကို ၂၀၂၃ ခုနှစ် အတွက်
ဆုချီးမြှင့်ခြင်း ခံရပါတယ်။
သည် ဇာတ်လမ်းကို သူကိုယ်တိုင် ဇာတ်ညွှန်းရေးပြီး
ဒါရိုက်တာ Feng Xiaogang က
၂၀၂၃ ခုနှစ်မှာ ရုပ်သံ ဇာတ်လမ်းတွဲ
ရိုက်ကူး ထုတ်လွှင့်ခဲ့ပါတယ်။
▪️စာညွှန်း - ဘဝတက္ကသိုလ် / မှ
