ဒီစာအုပ်လေးထဲမှာဆိုရင် မေတ္တာ ၊ အလင်း နဲ့ စွမ်းအား ဆိုတဲ့ ကဏ္ဍသုံးမျိုးကို တွေ့ရမှာဖြစ်ပြီး ကဏ္ဍတစ်ခုချင်းစီဟာ တစ်ဆင့်ထက် တစ်ဆင့် မြင့်လာလို့ စာဖတ်ပြီးတဲ့နောက် ကိုယ့်ကိုယ်ကိုယ် ဒီစာအုပ်ဖတ်ရတာ ကောင်းလိုက်တာ ၊ အချိန်တွေ အကျိုးရှိ ၊ တန်ဖိုးရှိလိုက်တာလို့ ခံစားရစေတယ် ။
မေတ္တာဆိုတဲ့ ကဏ္ဍမှာ မေတ္တာမျိုးစေ့တွေ စိုက်ပျိုးပြီး ကရုဏာ နဲ့ ဥပေက္ခာ အတွေး၀င်လိုက်တဲ့အခါ ခွင့်လွှတ်ခြင်းဆိုတဲ့ ငြိမ်းအေးမှုတစ်ခု ရသွားပြီး နောက်ဆုံးမှာတော့ ကိုယ့်ရဲ့စိတ်ဟာ ကိုယ့်ရဲ့ မိတ်ဆွေ ဖြစ်သွားစေတယ်ဆိုတဲ့ အချက်ကို မိမိကိုယ်ကို အတည်ပြုမိသွားစေတာကို တွေ့ရပါလိမ့်မယ် ။
အလင်းကဏ္ဍ အမှောင်တွေ အားကောင်းလာတဲ့အခါ အလင်းရောင်တွေ ဖြစ်ပေါ်လာဖို့ လိုအပ်လာတယ် ။ အလင်းရောင် အားနည်းနေသေးရင်တောင် အလင်းတစ်ခုဖြစ်ပေါ်လာပြီဆိုရင် အမှောင်တွေက အလင်းကို မလွှမ်းမိုးနိုင်ဘူး မဟုတ်လား ။ ဒီအခန်းလေးကိုလည်း သေချာလေး ဖတ်ပြီး ကိုယ့်ကိုယ်ကိုယ် အလင်းတစ်ခုဖြစ်လာအောင် ကြိုးစားရမယ် ။ အလင်းတွေ များလာမှ အမှောင်တွေ ပျောက်ဆုံးသွားပါလိမ့်မယ် ။
အလင်းတစ်ခု ဖြစ်ပေါ်လာပြီဆိုရင် အားကောင်းတဲ့ အလင်းရောင်ဖြစ်ဖို့ စွမ်းအားတွေ လိုလာပါပြီ ။ စွမ်းအားကောင်းရင် ကောင်းသလို ပတ်၀န်းကျင်ဟာ လင်းထင်းလာပါလိမ့်မယ် ။
#မေတ္တာအလင်းနှင့်စွမ်းအား #မွန်ဟော်စီ #စာညွှန်းအိမ် #pyaearkar
