🌠👽 ဂြိုဟ်သားတွေက ကမ္ဘာမြေကို ဆက်သွယ်လာတော့မလား ။
ဒီ မေးခွန်းရဲ့အဖြေကို ကယ်လီဖိုးနီးယား တက္ကသိုလ်မှာရှိတဲ့ နက္ခတ္တဗေဒ ပညာရှင်တွေကတော့ ၂၀၂၉ လောက်မှာ ဂြိုဟ်သားတွေဆီက ဆက်သွယ် အချက်ပြမှုတွေကို ရရှိနိုင်တော့မယ်လို့ ပြောလိုက်ပါပြီ။ 🚀📻
၁၉၇၂ ခုနှစ်က လွှတ်တင်ခဲ့တဲ့ " ပိုင်အိုနီးယား အမှတ် ၁၀ " အာကာသယာဉ်ကို ဂိုင်ရာ တယ်လီစကုပ် သုံးပြီး ဒေတာအချက်ပြမှုတွေကို စဉ်ဆက်မပြတ် ထောက်လှမ်းနေကြတာပါ။ ကမ္ဘာကနေ သူ့ဆီကို ရေဒီယိုလှိုင်းကတဆင့် ဒေတာအချက်အလက် နောက်ဆုံး ပေးပို့ခဲ့တာ ၂၀၀၂ /၂၀၀၃ ခုနှစ်မှာ ဖြစ်ပြီး အာကာသယာဉ်နဲ့ အဆက်အသွယ် ပြတ်တောက်သွားပြီ ဆိုပေမဲ့ အဲ့ဒီ အချက်အလက်တွေဟာ ကမ္ဘာကနေ အလင်းနှစ် ၂၇ နှစ် အကွာက ကြယ်ကြီးတလုံးဆီကိုလည်း ရောက်ရှိခဲ့တယ်လို့ ဆိုပါတယ်။ သက္ကရာဇ် ၂၃၀၀ ကျော်မှာတော့ ဒီယာဉ်က အချက်အလက်တွေဟာ ကြယ်ပေါင်း ၂၂၂ လုံးအထိ ရောက်ရှိသွားလိမ့်မယ်လို့ ခန့်မှန်းထားပြီး သက်ရှိ ဒါမှမဟုတ် ဂြိုဟ်သားတွေရဲ့ အစောဆုံး ပြန်လည်တုံံပြန်အချက်ပြမှုကိုတော့ ၂၀၂၉ မှာ ကမ္ဘာက လက်ခံရရှိလိမ့်မယ် ဆိုပါတယ်။
လက်ရှိမှာတော့ ကမ္ဘာကနေ 137.3 AU အကွာအဝေး (1AU = ကမ္ဘာနဲ့ နေအကြား အကွာအဝေး) မှာ ရှိနေပါတယ် ။ အကယ်၍သာ ဂြိုဟ်သားအဖွဲ့အစည်းတခု ရှိခဲ့ပြီး ကမ္ဘာက ပို့လိုက်တဲ့ အချက်ပြမှုတွေကို နားလည်တုံ့ပြန်ခဲ့မယ်ဆ်ုရင် သူတို့ဆီကလာမယ့် ဆစ်ဂနယ်တွေဟာ မြေကမ္ဘာကို
သိပ်မကြာတော့တဲ့အချိန်အတွင်း ရောက်လာတော့မှာ ဖြစ်ပါတယ်။
ဒါ့အပြင် "ပိုင်အိုနီးယား အမှတ် ၁၀ " ထက် ပိုအဝေးရောက်နေတဲ့ Voyager 2 လို တခြား အာကာသစူးစမ်းရေးယာဉ်တွေကနေ တဆင့်လည်း အလင်းနှစ် ၂၄နှစ် အကွာက ဂြိုဟ်တွေ၊ ကြယ်တွေဆီက အချက်ပြမှုတွေကို ၂၀၃၃ ခုနှစ်မှာပဲ ပြန်လည် ရရှိတော့မှာ ဖြစ်တယ်လို့ ဆိုပါတယ်။ Voyager 2 ဟာ ၂၃၃၆ ခုနှစ်အရောက်မှာ ကြယ်ပေါင်း ၂၇၂ လုံးကို စူးစမ်းလေ့လာဆက်သွယ်ပြီးစီးမှာ ဖြစ်ပါတယ်။ Voyager 1 ကလည်း အားကျမခံ ကမ္ဘာကြီးရဲ့ ဆက်သွယ်အချက်ပြမှုတွေကို ၂၀၄၄ ခုနှစ်မှာ ကြယ်ကြီးတလုံးဆီ ပေးပို့နိုင်မှာဖြစ်ပြီး ကြယ်ကြီးပေါ်က သက်ရှိနေထိုင်ခဲ့တယ်ဆိုရင် သူတို့ရဲ့ တုံ့ပြန်မှုကို ကမ္ဘာက ၂၁၀၉ ခုနှစ်မှာ လက်ခံရရှိမှာ ဖြစ်ပါတယ်။
မခွဲခြားနိုင်သေးတဲ့ အဖြစ်အပျက်တွေနဲ့ ဆက်မလေ့လာဖြစ်တဲ့ အရာတွေအပါအဝင် ၊ရှာဖွေတွေ့ရှိရသမျှ အချက်အလက်အားလုံးကို အဆင့်မြင့် လွှတ်တော်အမတ်တွေထံ အချိန်နဲ့တပြေးညီ လျှို့ဝှက်အစီရင်ခံဖို့ သမ္မတ ဂျိုးဘိုင်ဒင် လက်ထက်မှာ ၂၀၂၃ ခုနှစ် အမျိုးသား ကာကွယ်ရေးဥပဒေပြဌာန်းလိုက်ပါတယ်။
တကယ်ပဲ တခြားဂြိုဟ်မှာ သက်ရှိတွေ တည်ရှိသလားဆိုတဲ့ အဖြေကို လူသားတွေ သက်သေနဲ့တကွ သိနိုင်တော့မလား။ ခေတ်သစ်အသိပညာကို ပြောင်းလဲစေနိုင်မယ့် အချက်ပြမှုတွေ လက်ခံရရှိတော့မလား ၊ တကယ်လို့ ဂြိုဟ်သားရှိတာ အတည်ပြုနိုင်ခဲ့ပြီဆိုရင် လူသားတွေအတွက် အနာဂတ်က ဘယ်လိုဖြစ်လာလေမလဲ။ အဖြေကို သိရဖို့ သိပ်မလိုတော့ပါဘူး။