ပုဇွန် သခွားသီး ရခိုင်သုပ်စပ်စပ်လေး သုပ်နည်း.....😋
သခွားသီးသုပ်အရည်ရွှဲရွှဲလေးကို ထမင်းဖြူလေးနဲ့စား အရမ်းကိုစားကောင်းပါတယ်။
သခွားသီးကိုရေဆေး နှစ်ခြမ်းခွဲ အလယ်ကအစေ့လေးတွေထုပ်ပြီးခြစ်ထားပါ။ နုနုလေးဆို အစေ့တွေ ထုပ်စရာတောင်မလိုပါဘူး။
ကြက်သွန်နီ နှစ်လုံးလောက်ကို ပါးပါလေးလှီးပြီး ရေဆေးထားပါ။
ပုဇွန်လှော်ပြီး အခွံခွာထားပါ။
စိမ်းစားငပိ မီးဖုတ်ထားပါ။
ငရုပ်သီးစိမ်း ကိုယ်အစပ်စားနိုင်သလောက် လှော်ထားပါ။
ပြီးရင် စိမ်းစားငပိနဲ့ ငရုပ်သီးစိမ်းလေးကို ရောထောင်းပါ။
အရသာအတွက် လိုအပ်တဲ့ ဆား၊ အချိုမှုန့် သို့မဟုတ် ကြက်သားမှုန့်ကို တခါတည်းထည့်ထောင်းပါတယ်။
လှော်ထားတဲ့ ပုဇွန်တဝက်လောက်ကိုလည်း ရောထောင်းလိုက်ပါတယ်။
ကျန်တဲ့တဝက်က အကောင်လိုက်ထည့်ပါမယ်။
ပြီးရင် ခြစ်ထားတဲ့သခွားသီးထဲကို ထောင်းထားတာတွေထည့်၊ ကြက်သွန်နီပါးပါလှီးထားတာနဲ့ ပုဇွန်တွေထည့်ပြီးရင် သုပ်ပါ။
အချဥ်ကြိုက်ရင် သံပုရာသီးလေးညှစ်ထည့်ပါ။
နောက်ဆုံးအရသာလေးမြည်းကြည့်ပြီး ကိုယ်လိုသလောက်ရပြီးဆို ပင်စိမ်းလေးညှပ်ထည့်ပြီးရင် စားကောင်းတဲ့ သခွာသီးရခိုင်သုပ်စပ်စပ်လေး ရပါပြီးရှင့်......။ 😋
