ဒီနေ့ ရွှေကြည်ဆနွင်းမကင်း ဖုတ်တယ် တစ်ပိသာခွဲပါ...
ပါဝင်ပစ္စည်းတွေကတော့........
- ရွှေကြည် ၁ ပိသာခွဲ
- သကြား ၉၀ သား
- ထောပတ် ၂၀ သား
- ဆီ ၅၀ သား
- ဘိန်းစေ့ ၅၀၀ ဘိုး
- စပျစ်သီးခြောက် ၂၀ သား
- အုန်းသီး ၅ လုံး
- ကြက်ဥ ၁၀ လုံး
ထောပတ်နံ့လေးနဲ့ရွှေကြည် လှော်ထားတဲ့အနံ့လေးက
မွှေးနေတယ်။ 🤤
အုန်းသီးကို စျေးမှာခြစ်ခိုင်းပြီး အုန်းနိူ့ကိုအိမ်မှာညှစ်တယ်။ သေချာအောင်ပါ အိမ်မှာကအုန်းသီးညှစ်ဖို့ စကာအိတ်လေးတွေသက်သက်ထားထားတယ်။ ပထမဦးအရည်ကိုဖယ်ထားပြီး ညှစ်ပြီးသားအုန်းဖတ်ကို ရေနွေးလေးနဲနဲရောပြီး ဒုတိယအကြိမ်ထပ်ညှစ်တယ်။ စျေးထဲမှာကြတော့အဲ့လိုညှစ် ပေးမနေတော့ဘူး။
တခါထဲညှစ်ပေးလိုက်တာ.....။
(အလုပ်မရှုပ်ချင်ရင် Reday Made အုန်းနို့ဗူးသုံးပေါ့နော်)
ရွှေကြည်မှုန့် ၁ ဆကို အုန်းနိူ့ ၂ ဆ ကျနော်ထည့်တယ်။
ရွှေကြည်မှုန့် ၁၁ ခွက်ရှိတော့ အုန်းနိူ့ရည် ၂၂ ခွက်ထည့်တယ်။
အုန်းနိူ့ရည်လိုတယ်ဆို Ready Made အုန်းနိူ့ဘူးလေးတွေထည့်လဲရပါတယ်။ အခုကတော့ မလိုတော့ မထည့်တော့ဘူး။
သကြားကို ရွှေကြည် ၁ ပိသာ သကြား ၁ ပိသာထည့်ကြတယ်။
ကျနော်လည်းအရင်က အဲ့လိုထည့်တယ်။
အခု ရွှေကြည် ၁ ပိသာခွဲကို ကျနော်သကြား ၉၀ သား ထည့်ထားတယ်။ သကြားလျှော့ထည့်ထားတယ် အရမ်းချိုသွားမှာစိုးလို့ အချိုလျှော့ထားတယ်။ အခုအနေအထားကသိပ်လည်းမချိုဘူး အချိုလည်းမပေါ့ဘူး ခပ်စိမ့်စိမ်အနေအထားပါ။ နိူင်ငံခြားသားတွေကြိုက်မယ်။
ဆီ ၅၀ သား၊ ထောပတ် ၂၀ သားထည့်ထားတယ်။
ဆီများလွန်းရ င်ခပ်ထုတ်နေရမယ်။
အိမ်စားဖို့ ၁ ဘန်း ပေးဖို့ ၂ ဘန်း။ ဌက်ပျောသီးဆနွင်းမကင်းကရွှေကြည်လောက်လုပ်ရ တာမပင်ပန်းဘူး။ ရွှေကြည်က နဲနဲမွှေရတယ်။ ၇ ပိသာ တခါထဲထိုးဖူးတော့ အခု ၁ ပိသာခွဲက မပင်ပန်းပါဘူး။
မုန့်က အေးသွားမှလှီးတာပိုကောင်းတယ် အခုပူနေတုန်းလှီးတော့နဲနဲကျေသွားတယ်။ အခုလှီးထားတဲ့ဘန်းက မီးသွေးဖိုနဲ့ဖုတ်တာပါ။ အထက်မီး အောက်မီးလေး သတိထားရတယ်။
အခုတော့မီးအနေအထားလည်း ညီပါတယ်။
စကားမစပ် အခုမီးလာတော့ တစ်ဘန်းကို Oven ထဲသွားထည့်လိုက်ဦးမယ် 😁
နေ့လည်က မုန့်ဖုတ်နေရင်း မီးပျက်သွားလို့ တစ်ဘန်းကျန်တယ်။
မိတ်ဆွေတို့စားဖို့ မုန့်လှီးပေးထားခဲ့မယ် Tea လေးနဲ့ ဆွဲဗျာ..! 😋