❝ ဆိုင်ဂုံ၊ ပီကင်း၊ တိုကျို ❞
အတိတ်ကာလမှာ
အမှန်တကယ်ဖြစ်ပျက်ခဲ့သော
သမိုင်းဖြစ်ရပ်တွေကို နောက်ခံထားပြီး
ဇာတ်ကောင်များစွာ၊
ဇာတ်ကောင်စရိုက်ပေါင်းများစွာ
ဖြင့် ဖွဲ့စည်းတည်ဆောက်ထားသော
သမိုင်းနောက်ခံဝတ္ထုတွေဖြစ်တဲ့
❝ ဆိုင်ဂုံ ၊ ပီကင်း ၊ တိုကျို ❞ သုံးအုပ်ဟာ
• အန်သိုနီဂရေး • ရေးဖွဲ့ခဲ့တဲ့
အလွန်ကျော်ကြားသော စာအုပ်တွေပဲဖြစ်တယ် ။
ဤသုံးအုပ်လုံးကို ဘာသာပြန်အရေးအသားမှာ
ကောင်းမွန်ပြည့်စုံလှတဲ့ • မောင်ထွန်းသူ • က
မြန်မာဘာသာသို့ပြန်ဆိုရေးသားခဲ့တယ် ။
_ _
❝ ဆိုင်ဂုံ ❞
အဓိကဇာတ်ဆောင်
ဗီယက်နမ်ပြည်သူတွေရဲ့
မိရိုးဖလာဘာသာရေးအယူဝါဒတွေ၊
ကိုလိုနီပြုခံရတဲ့နိုင်ငံတစ်နိုင်ငံရဲ့
နောက်ဆက်တွဲဖြစ်စဥ်တွေ၊
စစ်အနိဌာရုံနဲ့
စီးပွားရေးချွတ်ခြုံကျမှုတွေ၊
ပျောက်ကြားစစ်နဲ့
မျိုးဆက်သုံးဆက်ရင်ဆိုင်ဖြတ်သန်းခဲ့ရတဲ့
လွတ်လပ်ရေးကြိုးပမ်းမှုတွေအကြောင်း၊
ဗီယက်နမ်သမိုင်းကို အတော်ကို
ပြည့်ပြည့်စုံစုံရေးဖွဲ့ထားတဲ့စာအုပ်တစ်အုပ်ပါပဲ။
" အတိတ်သည်
ပစ္စုပ္ပန်၏ အစဖြစ်သည် "
ဟူသော " ဝီလျံရှိတ်စပီးယား" ရဲ့
မုန်တိုင်းပြဇာတ်ထဲကစကားတစ်ခွန်းနဲ့
ခမ်းနားလှတဲ့ဝတ္ထုရှည်ကြီး
တစ်ခုလုံးကို အစပြုထားတယ် ။
_ _
❝ ပီကင်း ❞
မော်ကွန်း တင်ရလောက်အောင်
ကြီးမားများပြား သည့် ဖြစ်ရပ်များအား
မှတ်တမ်းတင်ထားသော ဝတ္ထုကြီးဖြစ်သည်။
ပီကင်းတွင် တရုတ် ပြည်သူ့တို့၏
နိုင်ငံရေးဘဝ၊ စီးပွားရေးဘဝ၊ ဘာသာရေးဘဝ၊ လူမှုရေးဘဝနှင့်စစ်ရေးဘဝများအား
အပီအပြင် မြင်ရဖို့ ရှိသည်။
တရုတ် ကွန်မြူနစ် ပါတီ၏
ခေါင်းဆောင်ကြီးများ အဖြစ် ကမ္ဘာကျော်နေသော
“မော်စီ-တုန်း နှင့်ချုအင်-လိုင်း” တို့၏
ဘဝများကိုပါ တစေ့တစောင်း
မြင်ကြရမည် ဖြစ်၏။
_ _
❝ တိုကျို ❞
Tokyo Bay သို့မဟုတ် ‘တိုကျို” သည်
အထီးကျန်နေထိုင်ရေးဟူသော
‘တံခါးပိတ်ဝါဒ” ကျင့်သုံးနေသည့်
ဂျပန်နှင့် အနောက်နိုင်ငံများ
ကြား၌ ပေါ်ပေါက်လာခဲ့သည့် ပြိုင်ဆိုင်မှုကို
မီးမောင်း ထိုးပြထားခြင်းဖြစ်သည်။
အထူးသဖြင့် ပါးလ်ဟာဘား (ပုလဲဆိပ်ကမ်း)၊
နာဂါစကီးနှင့်ဟီရိုရှီးမား စသောမြို့ကြီးများ၏ နောက်ပိုင်းဖြစ်ရပ်များဆီ သို့ ဦးတည်သွားရာ
သမိုင်းလမ်းကြောင်းကို ရေးဖွဲ့ထားခြင်းဖြစ်သည်။
